អន្តរជាតិ៖ អ្នកតំណាងមកពីភាគីប៉ាឡេស្ទីននិងភាគីអ៊ីស្រអែល កាលពីថ្ងៃអាទិត្យបានបន្ទោសគ្នាទៅវិញទៅមកទៅលើការកើនឡើងនៃជម្លោះនៅឯក្រុមប្រឹក្សាសន្តិសុខសហប្រជាជាតិនៅពេលដែលមានការចាប់ផ្ដើមជជែកដេញដោលគ្នា ស្ដីពីស្ថានការណ៍នៅក្នុងតំបន់មជ្ឈិមបូព៌ាតាមវីដេអូ អនឡាញ។
លោក រីយ៉ាត អាល់ម៉ាល់គី រដ្ឋមន្ត្រីការបរទេសប៉ាឡេស្ទីន បាននិយាយថា អ៊ីស្រាអែលបានប្រព្រឹត្តនូវឧក្រិដ្ឋកម្មសង្គ្រាម ហើយនិងឧក្រិដ្ឋកម្មប្រឆាំងនឹងមនុស្សជាតិ។
ចំណែកអ្នកតំណាងអចិន្ត្រៃយ៍របស់អ៊ីស្រាអែលនៅអង្គការ សហប្រជាជាតិ លោក ជីឡាត អឹដាន់បាននិយាយថា ក្រុមហាម៉ាស់ជាអ្នកធ្វើសកម្មភាពវាយប្រហាដោយខ្លួនកំពុង លាក់ខ្លួននៅពីក្រោយជនស៊ីវិលប៉ាឡេស្ទីន។
លោក អាល់ ម៉ាល់គី បាននិយាយថា ជារៀងរាល់ពេលអ៊ីស្រាអែល បានអោយមេដឹកនាំបរទេសដឹងឮពីសិទ្ធិការពារ ខ្លួនប៉ុន្តែវាជាទង្វើលើកទឹកចិត្តអោយបន្ដការសម្លាប់គ្រួសារជាច្រើនដែលកំពុងលង់លក់នៅក្នុងដំណេករបស់ពួកគេនោះ។
អ្នកតំណាងភាគីអ៊ីស្រាអែល លោកអឺដាន់បាននិយាយថា វាជាលើកដំបូងហើយដែលក្រុមហាម៉ាស់បានបាញ់រ៉ុកកែតជាច្រើនគ្រាប់ទៅលើជនស៊ីវិលអ៊ីស្រាអែល ហើយការបាញ់គ្រាប់រ៉ុកកែតទាំងអស់សុទ្ធតែចេញពីតំបន់ជនស៊ីវិលប៉ាឡេស្ទីន។
អគ្គលេខាធិការអង្គការសហប្រជាជាតិ លោកអង់តូនីញ៉ូ ហ្គូតេរេសបានប្រាប់កិច្ចប្រជុំថា ភាពប្រទូស្សរ៉ាយថ្មីៗ នៅក្នុងតំបន់កាហ្សានិងនៅក្នុងប្រទេសអ៊ីស្រាអែលគឺពិតជាអាក្រក់ ដោយលោកបន្ថែមថា ការប្រយុទ្ធគ្នាត្រូវតែបញ្ឈប់ពោល គឺត្រូវតែបញ្ឈប់ជាបន្ទាន់។
ប្រមុខអង្គការសហប្រជាជាតិរូបនេះ បានមានប្រសាសន៍ថា អង្គការសហប្រជាជាតិនៅតែទំនាក់ទំនងយ៉ាងសកម្ម ជាមួយគ្រប់ភាគីទាំងអស់ដោយផ្ដោតទៅលើបទឈប់បាញ់ជាបន្ទាន់៕អត្ថបទ៖ មករា
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
