ក្រសួងការបរទេសកូរ៉េខាងត្បូង បានប្រកាសទណ្ឌកម្មឯកតោភាគីបន្ថែមទៀតលើប្រទេសកូរ៉េខាជើង បន្ទាប់ពីការបាញ់សាកល្បងមីស៊ីលបាលីស្ទីកអន្តរទ្វីបរបស់ខ្លួន កាលពីថ្ងៃពុធ។ ក្រសួងបាននិយាយនៅថ្ងៃសុក្រនេះថា បុគ្គល៤រូប និងអង្គភាពអាជីវកម្មចំនួន៣ នឹងត្រូវបានដាក់ទណ្ឌកម្មសម្រាប់ការជាប់ពាក់ព័ន្ធរបស់ពួកគេក្នុងកម្មវិធីផលិតមីស៊ីលនិងនុយក្លេអ៊ែររបស់កូរ៉េខាងជើង និងការផ្តល់មូលនិធិរបស់ពួកគេ។

បុគ្គលគោលដៅ រួមមានលោក Jong Kyong Thaek ដែលជាប្រធានការិយាល័យនយោបាយទូទៅរបស់យោធាកូរ៉េខាងជើង។ រីឯអង្គភាពអាជីវកម្មរួមមានក្រុមហ៊ុនពាណិជ្ជកម្មកូរ៉េខាងជើង។ ទាំងអស់នេះត្រូវបានដាក់គោលដៅដែលត្រូវបានគេនិយាយរួចហើយជាទិសដៅចំពោះទណ្ឌកម្មរបស់សហរដ្ឋអាមេរិក និងសហភាពអឺរ៉ុប។

ក្រសួងការបរទេសកូរ៉េខាងត្បូងនិយាយថា ចំណាត់ការរបស់ខ្លួននឹងពង្រឹងបន្ថែមនូវបណ្តាញទណ្ឌកម្មអន្តរជាតិ។

នេះគឺជាលើកទី១០ ដែលប្រទេសកូរ៉េខាងត្បូង បានប្រកាសទណ្ឌកម្មជាឯកតោភាគីទៅលើប្រទេសកូរ៉េខាងជើង ចាប់តាំងពីប្រធានាធិបតីលោក Yoon Suk-yeol ឡើងកាន់តំណែងកាលពីខែឧសភា ឆ្នាំមុន។ រដ្ឋបាលរបស់លោក កំពុងប្រកាន់យកជំហរដ៏តឹងរ៉ឹងប្រឆាំងទីក្រុងព្យុងយ៉ាង។