រដ្ឋមន្ត្រីការបរទេសសហរដ្ឋអាមេរិក លោក Antony Blinken បាននិយាយកាលពីថ្ងៃសុក្រថា រុស្ស៊ី មិន​បានបង្ហាញសញ្ញា នៃការផ្លាស់ប្តូរទិសដៅនៅក្នុងសង្គ្រាមរបស់ខ្លួននៅអ៊ុយក្រែននោះទេ ខណៈ​រដ្ឋ​មន្ត្រីការបរទេស​មកពី​ប្រទេស​ជាង​ ២០ បាន​ជួប​ប្រជុំ​គ្នា​នៅ​ក្នុង​រដ្ឋធានី​របស់​ប្រទេស​ឥណ្ឌូនេស៊ី សម្រាប់ការជួបប្រជុំប្រចាំឆ្នាំដែលផ្តោតលើសន្តិសុខនៅអាស៊ីអាគ្នេយ៍។

បណ្តាប្រមុខការទូតមកពីប្រទេសចិន សហរដ្ឋអាមេរិក និងរុស្ស៊ី ស្ថិតក្នុង​ចំណោម​អ្នក​ដែល​បាន​ធ្វើ​ដំណើរ​មកកាន់ទីក្រុងហ្សាកាតា សម្រាប់វេទិកាប្រចាំតំបន់អាស៊ាន (ARF) ដែលរបៀប​វារៈ​ដែល​មាន​មូលដ្ឋានទូលំទូលាយជាធម្មតា ត្រូវបានគ្រប​ដណ្តប់​ដោយ​ការ​ផ្ទុះ​ឡើង​នៃ​ភូមិ​សាស្ត្រ​នយោបាយ។

ថ្លែងទៅកាន់អ្នកសារព័ត៌មាន បន្ទាប់ពីកិច្ចពិភាក្សាបានបញ្ចប់ លោក Blinken បាននិយាយថា ពុំមានការចង្អុលបង្ហាញថា រុស្ស៊ី​មាន​ឆន្ទៈ​ក្នុង​ការ​ចូលរួម​ក្នុង​ផ្នែក​ការ​ទូត​ដ៏​មាន​ប្រយោជន៍​ចំពោះ​សង្រ្គាម​នោះ​ទេ ដែលទីក្រុងមូស្គូចាត់ទុកថាជា «ប្រតិបត្តិការសឹកពិសេស» ចាប់ផ្តើមកាល​ពី​ខែ​កុម្ភៈ ឆ្នាំ ២០២២ ដើម្បី បំផ្លាញ ប្រទេសជិតខាងខ្លួន។

លោក Blinken បានអំពាវនាវឱ្យមានស្ថិរភាពនៅក្នុងតំបន់ឥណ្ឌូ-ប៉ាស៊ីហ្វិក ច្រកសមុទ្រតៃវ៉ាន់ និង​សមុទ្រចិនខាងត្បូង ដោយលោកនិយាយថាគ្មានបញ្ហាប្រឈមខ្លាំងជាងនេះ ចំពោះ​សន្តិសុខ​ក្នុង​តំបន់ ជាងការបាញ់មីស៊ីល «បង្កហេតុ» របស់កូរ៉េខាងជើងនោះទេ។ លោក Blinken កាល​ពី​ថ្ងៃ​ព្រហស្បតិ៍ ទី ១៣ ខែកក្កដា បានបើកនូវអ្វីដែលក្រសួងការបរទេសហៅថា ជាការ​ពិភាក្សា​ប្រកប​ដោយ​ភាពស្មោះត្រង់ និងស្ថាបនា ជាមួយអ្នកការទូតជាន់ខ្ពស់ចិនលោក Wang Yi ជា​ទំនាក់​ទំនង​ចុង​ក្រោយ​បង្អស់​នៅ​ក្នុង​អន្តរកម្ម​ជា​បន្ត​បន្ទាប់​ដែល​ខ្លួន​បាន​និយាយថា​មាន​គោល​បំណង​គ្រប់​គ្រងភាពខ្វែងគំនិតគ្នារវាងប្រទេសមហាអំណាចទាំងពីរ៕