ឯកឧត្តម ឃួង ស្រេង សមាជិកគណៈកម្មាធិការកណ្តាលគណបក្សប្រជាជនកម្ពុជា ប្រធាន​គណៈកម្មាធិការ​គណបក្សរាជធានីភ្នំពេញ និងជាប្រធានក្រុមការងារចុះមូលដ្ឋានខណ្ឌព្រែកព្នៅ នាព្រឹកថ្ងៃទី១៥ ខែកក្កដា ឆ្នាំ២០២៣ បានបន្តធ្វើពិធីជួបជុំ សមាជិក សមាជិកា​គណបក្សប្រជាជន​កម្ពុជា​ខណ្ឌព្រែកព្នៅ និង​ដង្ហែក្បួន​យុទ្ធនាការ​ឃោសនា​បោះឆ្នោត​ជ្រើស​តាំង​តំណាង​រាស្ត្រ នីតិកាលទី៧ ឆ្នាំ២០២៣ នៅក្នុងមូលដ្ឋានខណ្ឌព្រែកព្នៅ ។

ការជួបជុំដង្ហែក្បួនឃោសនារកសំឡេងឆ្នោតនេះ ជាលើកទី៣ហើយ ដោយមាន​ការ​ចូលរួម​ពី​សមាជិក សមាជិកា ប្រមាណ២,០០០នាក់ រថយន្តតូចធំ និងម៉ូតូជាច្រើនគ្រឿង បន្ទាប់​មក​ក្បួន​ដង្ហែ ដែលដឹកនាំដោយ ឯកឧត្តម ឃួង ស្រេង បានដង្ហែចេញពីមុខបុរីភូមិសំរោង តាម​ផ្លូវ​ជាតិ​លេខ៥ ទៅទិសខាងត្បូង ហើយបត់ចូលតាមផ្សារព្រែកព្នៅ ឆ្ពោះទៅទិស ខាង​លិចតាម​ផ្លូវលេខ​១៥១ ឡើងមកកាន់ផ្លូវជាតិលេខ៥ និងបន្តដង្ហែតាមមូលដ្ឋាននានាក្នុងខណ្ឌព្រែកព្នៅ។

គួរបញ្ជាក់ថា សម្រាប់ថ្ងៃទី១៥ កក្កដានេះ គណបក្សប្រជាជនកម្ពុជា បានរៀបចំជួបជុំសមាជិក សមាជិកា​នៅតាមទីតាំងក្នុងមូលដ្ឋានខណ្ឌទាំង១៤ ដែលមានអ្នកចូលរួមសរុបចំនួន ២៦,០០០​នាក់​៕​