អ្នកមានជំនឿស៊ុបក្នុងសាសនាហិណ្ឌូ នៅតំបន់ភាគខាងជើង នៃប្រទេសឥណ្ឌា បាន​ប្រារព្ធ​ពិធី​បុណ្យ​ «Shivratri» (សីវៈរាត្រី) ដែលជាពិធីបុណ្យហិណ្ឌូឧទ្ទិសដល់អាទិទេពសិវៈ ទោះ​បី​ទឹក​នៅតែ​​បាន​ជន់លិចផ្លូវថ្នល់ និងច្រាំងទន្លេ នៅថ្ងៃសៅរ៍ (ទី១៥ ខែកក្កដា) ក៏ដោយ។

អ្នកកាន់សាសនានេះយ៉ាងច្រើន ត្រូវបានឃើញដើរឆ្លងកាត់ទឹកជ្រៅត្រឹមជង្គង់ ដើម្បីទៅដល់វិហារ និង​ធ្វើការអធិដ្ឋានទៅកាន់អាទិទេពបំផ្លិចបំផ្លាញនៃសាសនាហិណ្ឌូ អំឡុងខែមូសុងដ៏ពិសិដ្ឋ «Shravan»​។ «Shivratri» (សីវៈរាត្រី) គឺជាពិធីបុណ្យប្រចាំឆ្នាំដែលរំលឹកដល់អាទិទេព «Tandava» ជារបាំដែលសំដែងដោយព្រះសីវៈ ទេវៈបំផ្លិចបំផ្លាញលោក ដើម្បី​បង្ហាញ​ពី​ទុក្ខ​សោកនៅ​ពេលដែលមហេសីរបស់ព្រះអង្គ ព្រះនាម Sati បានសោយទិវង្គត។

ពិធីសាសនានេះ ត្រូវបានប្រារព្ធឡើង ស្របពេលកម្រិតទឹកទន្លេ Yamuna បាន​ឡើង​ខ្ពស់​បំផុត​ក្នុង​រយៈពេល ៤៥ឆ្នាំ ក្នុងសប្តាហ៍នេះ បន្ទាប់ពីមានភ្លៀងធ្លាក់ខ្លាំងខុសពីធម្មតា ក្នុងទីក្រុង New Delhi និងរដ្ឋភាគខាងជើង ដោយបង្ខំឲ្យមានការជម្លៀសមនុស្សរាប់រយនាក់ ក្នុងរយៈពេល ២ថ្ងៃ​ចុង​ក្រោយ​នេះ ដោយសារទឹកបានឡើងផុតច្រាំងទន្លេ៕