មនុស្ស ២៦នាក់ បានស្លាប់ និងមនុស្សរាប់សិបនាក់ផ្សេងទៀត កំពុងបាត់ខ្លួន នៅកូរ៉េខាងត្បូង ក្រោយភ្លៀងធ្លាក់ឥតឈប់ឈររយៈពេល ៣ថ្ងៃជាប់ៗគ្នា បង្កឲ្យកើតមានបំណាក់ដី ។ 

យោងតាមទិន្នន័យពីរដ្ឋាភិបាល បានឲ្យដឹងថា មនុស្សរាប់ពាន់នាក់ ត្រូវបានជម្លៀស​ខ្លួនកាល​ពី​ថ្ងៃ​សៅរ៍ ខណៈដែលមន្ទីរឧតុនិយម បានព្យាការណ៍ថា ភ្លៀងធ្លាក់ខ្លាំងជាងនេះ នឹង​បន្ត​បង្អុរ​ចុះ​នៅ​ឧបទ្វីបកូរ៉េ ។ 

ខណៈពេលនោះដែរ ប្រតិបត្តិករផ្លូវដែករដ្ឋ Korea Railroad Corporation របស់កូរ៉េខាងត្បូង បាន​និយាយថា ពួកគេបានបញ្ឈប់សេវាកម្មរថភ្លើងល្បឿនយឺតទាំងអស់ និង​រថភ្លើង​ល្បឿនលឿន​មួយ​ចំនួន​ទៀត ដោយសារតែបំណាក់ដី ទឹកជន់លិចផ្លូវដែក និងដុំថ្មធ្លាក់ បានគំរាម​កំហែង​ដល់​សុវត្ថិភាព​ការ​ធ្វើដំណើរ ។ 

ដោយឡែក កាលពីល្ងាចថ្ងៃសុក្រ រថភ្លើងល្បឿនយឺតមួយខ្សែ បានធ្លាក់ផ្លូវ ពេលដែល​បំណាក់​ដីបាក់​សង្កត់​លើផ្លូវដែក បណ្តាឲ្យវិស្វករ រងរបួស ប៉ុន្តែគ្មានអ្នកដំណើរនៅលើរថភ្លើងនោះទេ ។ 

ប្រធានាធិបតីកូរ៉េខាងត្បូងលោក Han Duck-soo បានអំពាវនាវឲ្យយោធាជួយកិច្ចការសង្រ្គោះ ហើយ​និងធ្វើការជាមួយក្រុមមន្រ្តីរដ្ឋាភិបាល ដើម្បីចល័តសម្ភារៈ និងកម្លាំងមនុស្ស ៕