សារព័ត៌មានក្នុងស្រុក បានរាយការណ៍ថា ពលរដ្ឋអ៊ីស្រាអែលជាង ១០ម៉ឺននាក់ បានដង្ហែក្បួន​តាម​ដង​ផ្លូវ​នៅក្នុងទីក្រុងតែល អាវីវ កាលពីថ្ងៃសៅរ៍ ដើម្បីតវ៉ាសម្រាប់សប្តាហ៍ទី ២៨ជាប់ៗគ្នា ប្រឆាំង​នឹង​ផែនការកំណែទម្រង់ប្រព័ន្ធតុលាការរបស់រដ្ឋាភិបាល ។

 រូបភាពវីដេអូឃ្លីប ឃើញប្រជាពលរដ្ឋអ៊ីស្រាអែលគ្រវីទង់ជាតិ និងស្រែកពាក្យ “ប្រជាធិបតេយ្យ” នៅ​ក្រៅ​គេហដ្ឋានរបស់ប្រធានាធិបតីអ៊ីស្រាអែល នៅទីក្រុងហ្សេរុយសាឡឹម ពេលដែល​ពួក​គេ​សច្ចា​ថា នឹងបន្តធានាដល់លទ្ធិប្រជាធិបតេយ្យអ៊ីស្រាអែល ។ 

ក្រុមអ្នករិះគន់ ព្រួយបារម្ភថា ផែនការកំណែទម្រង់ប្រព័ន្ធតុលាការនេះ មាន​គោល​ដៅ​ទប់​ស្កាត់​ឯករាជ្យ​របស់​តុលាការដោយនាយករដ្ឋមន្រ្តីអ៊ីស្រាអែលលោក Benjamin Netanyahu ដែល​នឹង​ត្រូវ​កាត់​ទោស​ពី​បទចោទប្រកាន់ពុករលួយដែលលោកបានច្រានចោល ។ លោកនិយាយថា កំណែ​ទម្រង់​ច្បាប់នេះ នឹងធានាដល់ប្រព័ន្ធរដ្ឋាភិបាល ។ 

ខណៈពេលនោះដែរ លោក Netanyahu បាន​ទៅ​ពិនិត្យ​សុខភាព​នៅ​មន្ទីរ​ពេទ្យ​អ៊ីស្រាអែល​កាល​ពី​ថ្ងៃ​សៅរ៍ ប៉ុន្តែស្ថានភាពសុខភាពរបស់លោកនៅល្អប្រសើរទេ ៕