ក្រុមគាំទ្ររដ្ឋាភិបាលមួយក្រុមបានវាយប្រហារលើរថយន្តរបស់មេដឹកនាំបក្សប្រឆាំងរបស់ប្រទេសវេណេហ្ស៊ុយអេឡា លោស្រី Maria Corina Machado កាលពីថ្ងៃសៅរ៍ (១៥ កក្កដា) ដើម្បី​មិន​ឲ្យ​លោក​ស្រីចូលរួមការប្រមូលផ្តុំនៅជាយក្រុងការ៉ាកាស។

សកម្មជនគាំទ្ររដ្ឋាភិបាលមួយចំនួន ដែលតាំងខ្លួនថា​ ជា​សមាជិក នៃ​គណបក្ស​សង្គម​និយម​កំពុង​កាន់​អំណាច បានស្រែក​ពាក្យ​ស្លោក​ប្រឆាំង​នឹង​ការ​តវ៉ា​ចំពោះ​ដំណើរ​ទស្សន​កិច្ច​របស់​លោកស្រី។ ហើយមិនមានការរងរបួសដល់មេដឹកនាំរូបនោះត្រូវបានគេរាយការណ៍ឡើយ។

លោក​ស្រី Machado ត្រូវបានគេរំពឹងថានឹងធ្វើពិធីប្រមូលផ្តុំនៅតាមដងផ្លូវនៃទីក្រុង Petare ដូច​ដែល​លោកស្រីបានធ្វើកាលពីថ្ងៃមុននៅក្នុងរដ្ឋ La Guaira ជាទីដែលលោកស្រី​បាន​ស្វាគមន៍​អ្នក​គាំទ្រ និងការពារការតស៊ូប្រឆាំងនឹងរដ្ឋាភិបាលរបស់លោកប្រធានាធិបតី Nicolas Maduro ។

លោកស្រី Machado ដែលកំពុង​នាំមុខ​ក្នុង​ការ​ស្ទង់​មតិ​សម្រាប់​ការ​តែងតាំង​របស់​គណបក្ស​ប្រឆាំង​វេណេស៊ុយអេឡាជាប្រធានាធិបតីនៅក្នុងការបោះឆ្នោតបឋមនៅខែតុលា ត្រូវ​បាន​ហាម​ឃាត់​មិន​ឱ្យកាន់តំណែងសាធារណៈរយៈពេល ១៥ឆ្នាំកាលពីចុងខែមិថុនា៕