អ្នកទេសចររីករាយនឹងការគយគន់ទីក្រុង Venice ខណៈទីក្រុងនេះប្រឈមមុខនឹងកំណើនសីតុណ្ហភាពកាលពីថ្ងៃសៅរ៍ (១៥ កក្កដា) ស្របពេលមានការរៀបចំការប្រារព្ធពិធីបុណ្យ 'Redentore' (រ៉េដិនតូរ៉េ) នៅទីនោះ។ នៅពេលព្រឹក អ្នកទេសចរជាច្រើនបានដើរកម្សាន្តដោយមានកាន់ឆ័ត្រ ខណៈអ្នកផ្សេងទៀតព្យាយាមរកម្លប់ជ្រកដោយសារកម្ដៅក្ដៅខ្លាំង។
អឺរ៉ុបខាងត្បូងបាននឹងកំពុងប្រឈមមុខនឹងកម្ដៅដ៏ខ្លាំង ក្រោមរលកកំដៅដ៏កាចសាហាវ ដោយមានការព្រមានថា សីតុណ្ហភាពអាចឈានដល់កម្រិតខ្ពស់បំផុតសម្រាប់ទ្វីបនេះនៅសប្តាហ៍ក្រោយ។ ការជូនដំណឹងអំពីអាកាសធាតុបានធ្វើឡើងនៅទូទាំងប្រជុំកោះ កាណារី របស់អេស្ប៉ាញ អ៊ីតាលី កោះស៊ីប និងក្រិកផងដែរ។
ក្រុមអាជ្ញាធរបាននិយាយថា សីតុណ្ហភាពនៅសប្តាហ៍ក្រោយអាចបំបែកកំណត់ត្រាបច្ចុប្បន្នរបស់អឺរ៉ុប ដែលធ្លាប់មានកម្រិត ៤៨,៨អង្សាសេ នៅកោះស៊ីស៊ីលីកាលពីខែសីហាឆ្នាំ២០២១។
ពិភពលោកបានកត់ត្រាថ្ងៃដ៏ក្តៅបំផុតមិនធ្លាប់មានកាលពីសប្តាហ៍មុន ដោយអ្នកវិទ្យាសាស្ត្រជាច្រើនបានស្តីបន្ទោសការរួមផ្សំនៃកំណើនកម្ដៅផែនដីរយៈពេលវែងដែលបង្កឡើងដោយឧស្ម័នផ្ទះកញ្ចក់ ជាមួយនឹងកំណើនរយៈពេលខ្លីពីបាតុភូតអាកាសធាតុ អ៊ែល នីញ៉ូ (El Niño) ដែលជាបាតុភូតអាកាសធាតុក្តៅធម្មតាមានប្រភពមកពីមហាសមុទ្រប៉ាស៊ីហ្វិក៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
