​ប្រដាល់៖ កំពូល​កីឡាករ​ប្រដាល់​ទាំងពីរ Anthony Joshua និង Tyson Fury នឹង​ឡើង​សង្វៀន​ប្រកួត​ដណ្តើម និង​ការពារ​ខ្សែក្រវាត់​ទម្ងន់​ធ្ងន់​ពិភពលោក​នៅ​ថ្ងៃទី១៤ ខែ​សីហា​ខាងមុខ​នៅ​ទឹកដី​អារ៉ាប៊ីសាអ៊ូឌីត នេះ​បើតាម​ការលើកឡើង​រប​ស់ Tyson Fury​។​ ​​Joshua នឹង​ការពារ​ខ្សែក្រវាត់ WBA, IBF និង WBO របស់ខ្លួន​ទល់នឹង​ម្ចាស់​ខ្សែក្រវាត់​ WBC, Tyson Fury​។​

​​ការប្រកួត​របស់​កីឡាករ​អង់គ្លេស​ទាំង ២​នាក់​នឹងក្លាយ​ជាការ​ប្រកួត​ដែល​អស្ចារ្យ​បំផុត​មួយ ដោយ​ខ្សែក្រវាត់​ទាំង​ ៤ ត្រូវបាន​ប្រកួត​នៅក្នុង​ប្រភេទ​ទម្ងន់​ធ្ងន់​ជា​លើកដំបូង​។​ ​​Anthony Joshua ទទួលបាន​ជ័យជំនះ ២៤ដង ​និង​ចាញ់ ១ដង​ពី​ការប្រកួត​អាជីព​ចំនួន ២៥លើក ​ប៉ុន្តែ​បាន​បាត់បង់​ខ្សែក្រវាត់​ពិភពលោក​ចំនួន ៣ របស់ខ្លួន​ក្នុងការ​បរាជ័យ​ដ៏​គួរឱ្យភ្ញាក់ផ្អើល ​ក្រោយ​ចាញ់ ​Andy Ruiz Jr កាលពី​ខែមិថុនា​ ឆ្នាំ២០១៩​។​ ​​ចំណែក Tyson Fury មិនដែល​ចាញ់​នៅក្នុង​ការប្រកួត​អាជីព​ចំនួន ៣១លើក​នោះទេ​ ប៉ុន្តែ​មិនដែល​ឡើង​សង្វៀន​តាំងពី​ផ្តួល Deontay Wilder កាលពី​ខែកុម្ភៈ ​ឆ្នាំ២០២០៕

​អត្ថបទ​៖​នាង សុភា​វុ​ធ