ក្រុមអ្នកជួយសង្គ្រោះកូរ៉េខាងត្បូងបានទាញស្ត្រីម្នាក់ចេញពីទន្លេដែលជោជន់ បន្ទាប់​ពីនាង​ត្រូវ​បាន​ទឹកនាំ​ទៅ ខណៈពេលកំពុងឆ្លងកាត់ស្ពាននៅថ្ងៃអាទិត្យ (១៦ កក្កដា)នេះ ដោយ​វីដេអូ​ដែល​ថត​ដោយ​ស្ថានីយ៍ពន្លត់អគ្គិភ័យក្នុងស្រុកបានបង្ហាញ។

ក្រុមជួយ​សង្គ្រោះនៅបន្តមមាញឹកនៅចុងសប្តាហ៍នេះ ដោយបាន​ជួយ​សង្រ្គោះ​មនុស្ស​ជាប់​នៅ​ក្នុង​កំណើន​ទឹកជំនន់ដែលបណ្តាលមកពីភ្លៀងធ្លាក់ខ្លាំងនេះ។ យ៉ាងហោចណាស់មនុស្ស ៣១ នាក់​ត្រូវ​បាន​ស្លាប់។ មនុស្សជាង ៧៨.០០០នាក់ត្រូវបានជម្លៀសទៅកាន់ទីទួលខ្ពស់សុវត្ថិភាព។

រដ្ឋបាល​ឧតុនិយមកូរ៉េបាននិយាយថា តំបន់កណ្តាល និងភាគ​ខាង​ត្បូង​ នៃ​ប្រទេស​អាច​ទទួល​រង​ភ្លៀង​ធ្លាក់​បន្ថែមរហូតដល់កម្រិត ៣០០ មីលីម៉ែត្រ (១២ អ៊ីញ) នៅថ្ងៃអង្គារ (១៨ កក្កដា)៕