ប្រទេសអ៊ីតាលីបានចេញការជូនដំណឹងពណ៌ក្រហមអំពីអាកាសធាតុដ៏ក្តៅសម្រាប់ទីក្រុងចំនួន១៦ កាលពីថ្ងៃអាទិត្យ (១៦ កក្កដា) ដោយក្រុមអ្នកឧតុនិយមបានព្រមានថាសីតុណ្ហភាពនឹងឈានដល់កម្រិតខ្ពស់បំផុតនៅទូទាំងទ្វីបអឺរ៉ុបភាគខាងត្បូងក្នុងរយៈពេលប៉ុន្មានថ្ងៃខាងមុខនេះ។

មនុស្សម្នាបានចុះងូតទឹកនៅក្នុងបឹងហ្គាដា (Garda) និងក្នុងសមុទ្រក្នុងទីក្រុង Palermo នៃប្រជុំកោះ ស៊ីស៊ីលី ដោយអ្នកខ្លះនិយាយថាពួកគេបានកត់សម្គាល់ឃើញថាអាកាសធាតុក្តៅខ្លាំងជាងឆ្នាំមុន។ ប្រទេសអេស្ប៉ាញ អ៊ីតាលី និងក្រិក បានទទួលរងសីតុណ្ហភាពក្តៅខ្លាំងអស់រយៈពេលជាច្រើនថ្ងៃរួចមកហើយ ដែលបំផ្លាញដល់វិស័យកសិកម្ម ព្រមទាំងធ្វើឱ្យអ្នកទេសចរភ័យខ្លាចនឹងកម្ដៅដ៏ខ្លាំងក្លានេះ។

ព្យុះស៊ីក្លូនថ្មីមួយមានឈ្មោះថា Charon ដែលនៅក្នុងប្រទេសក្រិក បានបោកបក់ចូលទៅក្នុងតំបន់ពីភាគខាងជើងនៃទ្វីបអាហ្រ្វិកកាលពីថ្ងៃអាទិត្យ ហើយអាចបង្កើនសីតុណ្ហភាពលើសពី ៤៥អង្សាសេ (១១៣ហ្វារិនហៃ) នៅតំបន់មួយចំនួននៃប្រទេសអ៊ីតាលីនៅដើមសប្តាហ៍នេះ៕