ព្រះចៅកាតាព្រះអង្គម្ចាស់ Sheikh Tamim Bin Hamad Al-Thani បានស្វាគមន៍ប្រធានាធិបតីអាល់ហ៊្សេរី លោក Abdelmadjid Tebbouneនៅអាកាសយានដ្ឋានអន្តរជាតិក្រុង Hamad។

យោងតាមសារព័ត៌មានរដ្ឋកាតា បានឲ្យដឹងថា ព្រះអង្គម្ចាស់ Al-Thani និងលោក Tebboune បានជួបពិភាក្សាការងារកាលពីថ្ងៃអាទិត្យ នៅវិមាន Amiri Diwan ស្ថិតក្នុងទីក្រុង Dohaជាទីដែលពួកគេមាននូវជំនួបផ្លូវការ។

ពួកគេបានពិភាក្សាលើទំនាក់ទំនងទ្វេភាគី និងវិធីសាស្រ្តធ្វើឲ្យល្អប្រសើរឡើង និងអភិវឌ្ឍវិស័យជាច្រើន ពិសេសវិស័យសេដ្ឋកិច្ច ពាណិជ្ជកម្ម ឧស្សាហកម្ម ថាមពល និងបច្ចេកវិទ្យា។

ដោយឡែក ក្រសួងការបរទេសចិន បាននិយាយកាលពីថ្ងៃព្រហស្បតិ៍សប្តាហ៍មុនថា ប្រធានាធិបតីអាល់ហ៊្សេរី លោក Abdelmadjid Tebboune នឹងបំពេញទស្សនកិច្ចទៅកាន់ប្រទេសចិន ចាប់ពីថ្ងៃទី១៧ ដល់ថ្ងៃទី២១ ខែកក្កដាខាងមុខ៕