ក្រុមមន្ត្រីនគរបាលបាននិយាយថា បុរសម្នាក់ឈ្មោះ Andre Longmore វ័យ៤០ឆ្នាំ ដែលត្រូវបានចោទប្រកាន់ថាបានសម្លាប់អ្នកជិតខាង ២នាក់នៅវេលាម៉ោង ១០:៤៥នាទីព្រឹកថ្ងៃសៅរ៍នៅជាយក្រុងAtlanta នៃទីក្រុងHampton រដ្ឋGeorgia សហរដ្ឋអាមេរិក ត្រូវបានសម្លាប់កាលពីថ្ងៃអាទិត្យបន្ទាប់ពីការតាមប្រមាញ់។

នគរបាលបានតាមដានជនសង្ស័យរូបនោះពីទីតាំងកើតហេតុកាលពីថ្ងៃសៅរ៍ រហូតដល់តំបន់ក្បែរព្រំដែនរវាងតំបន់ Henry និងតំបន់ Clayton ចម្ងាយប្រហែល ២០ម៉ាយល៍ ពីភាគខាងត្បូងនៃទីក្រុង Atlanta(អាត្លង់តា)។

មន្ត្រីនគរបាលបានបាញ់តបតជាមួយបុរសសង្ស័យនោះចំនួន២ដង មុនពេលគេត្រូវបានបាញ់ត្រូវហើយទីបំផុតជនដៃដល់នោះក៏បានស្លាប់។

ក្រុមអាជ្ញាធរទទួលបានដោយដីកាចាប់ខ្លួនបុរសនោះកាលពីថ្ងៃអាទិត្យ ដោយផ្អែកលើការចោទប្រកាន់ចំនួន ៤ករណីពីបទមនុស្សឃាត។

លោក Longmore គឺជាអ្នកស្រុកនៃសហគមន៍ Dogwood Lakes Drive ហើយហេតុផលនៅពីក្រោយការបាញ់ប្រហារនេះនៅតែជាអាថ៌កំបាំង៕