អាមេរិក ៖ ផ្សែងអ័ព្ទដ៏ខ្មួលខ្មាញ់បានគ្របដណ្ដប់លើទីក្រុងនានាទូទាំងសហរដ្ឋអាមេរិកកាលពីថ្ងៃចន្ទ (១៧ កក្កដា) ខណៈដែលផ្សែងនៅតែបន្តហុយចេញពីភាគខាងត្បូងពីចំហេះព្រៃនៅក្នុងខេត្តមួយចំនួនរបស់ប្រទេសកាណាដា។

ទីភ្នាក់ងារសេវាអាកាសធាតុជាតិបានព្រមានពីគុណភាពខ្យល់មិនល្អសម្រាប់ថ្ងៃច័ន្ទ និងព្រឹកថ្ងៃអង្គារនេះ សម្រាប់ផ្នែក​នៃភាគខាងលិចរដ្ឋ South Dakota និងភាគឦសាននៃរដ្ឋ Wyoming សហរដ្ឋអាមេរិក។

ផ្សែងអ័ព្ទបានហុយទៅដល់រដ្ឋធានីរបស់ប្រទេសនេះផងដែរ ដែលការជូនដំណឹងអំពីគុណភាពខ្យល់ពណ៌លឿងទុំ ត្រូវបានដាក់ចេញសម្រាប់រដ្ឋធានីវ៉ាស៊ីនតោនឌីស៊ី។

យោងតាមទីភ្នាក់ងារសេវាអាកាសធាតុ លេខកូដពណ៌លឿងទុំមានន័យថាការបំពុល "ដោយវាអាចបង្កគ្រោះថ្នាក់​ដល់ក្រុមមនុស្សដែលងាយរងគ្រោះ"។

ក្នុងពេលជាមួយគ្នានេះដែរ ទីក្រុងនានានៅភាគខាងត្បូងក្នុងបណ្ដារដ្ឋដូចជារដ្ឋ Nevada និងរដ្ឋ Utah កំពុងប្រឈម​មុខនឹងការព្រមានអំពីកំដៅខ្លាំងជាមួយនឹងសីតុណ្ហភាពឡើងដល់ ១១៥អង្សាហ្វារិនហៃ (៤៦អង្សាសេ)៕