ជប៉ុន ៖ ក្រុមពលរដ្ឋមកពីខេត្តអូគីណាវ៉ារបស់ប្រទេសជប៉ុនបានជំរុញឱ្យរដ្ឋាភិបាល​របស់ខ្លួនធ្វើការ​ស៊ើបអង្កេត​ជុំវិញការ​បំពុលទឹក និងដីដែលបង្កឡើងដោយមូលដ្ឋានយោធាអាមេរិកនៅក្នុងវេទិកាកិច្ចប្រជុំអង្គការសហប្រជាជាតិ​កាល​ពីថ្ងៃ​ចន្ទ។

តំណាងម្នាក់មកពីគណៈកម្មាធិការការពារទឹកស្អាត អូគីណាវ៉ា បានលើកឡើងពីការព្រួយបារម្ភយ៉ាង​ខ្លាំងនៅក្នុងការ​បើកសម័យប្រជុំលើកទី១៦ នៃយន្តការអ្នកជំនាញស្តីពីសិទ្ធិជនជាតិដើមភាគតិច (EMRIP) នៅទីក្រុងហ្សឺណែវ ប្រទេសស្វីស ដោយបានចោទប្រកាន់សហរដ្ឋអាមេរិក និងជប៉ុនថាអសកម្ម ព្រមទាំងអំពាវនាវ​ឱ្យមានការខិតខំប្រឹង​ប្រែង​ពីអង្គការសហប្រជាជាតិដើម្បី ការពារសុវត្ថិភាពកុមារនៅប្រជុំអូគីណាវ៉ាផងដែរ។

ខេត្តអូគីណាវ៉ាមានទំហំត្រឹមតែ០,៦ភាគរយនៃដែនដីរបស់ប្រទេសជប៉ុន ប៉ុន្តែជាទីតាំងរបស់មូលដ្ឋាន​ទ័ពអាមេរិក​ប្រហែល ៧០ភាគរយនៅក្នុងប្រទេសនេះ។

ប្រសិនបើទឹកកខ្វក់ត្រូវបានប្រើប្រាស់ក្នុងបរិមាណច្រើនក្នុងរយៈពេលយូរ វាអាចប៉ះពាល់ដល់សុខភាពបន្តពូជ និងការលូតលាស់របស់កុមារ ហើយថែមទាំងបង្កជាជំងឺដូចជាមហារីកសុដន់ និងមហារីកក្រពេញប្រូស្តាតទៀតផង៕