ចិន ៖ ក្រុមអ្នកជំនាញបាននិយាយដោយសំអាងដល់តួលេខសេដ្ឋកិច្ចចុងក្រោយរបស់ប្រទេសចិនថា សក្តានុពលទីផ្សារ​របស់​ប្រទេសចិន​បានជួយប្រទេសនេះឱ្យនៅតែជាទិស​ដៅអំណោយ​ផលសម្រាប់​ការវិនិយោគ​ក្រៅប្រទេស​នៅក្នុង​ឆមាស​ទីមួយនៃឆ្នាំ២០២៣នេះ ហើយត្រូវបានគេរំពឹងថានឹងគាំទ្រដល់​កំណើនសេដ្ឋកិច្ចនា​ពេលអនាគត​របស់​ប្រទេស​នេះផងដែរ។

យោងតាមទិន្នន័យដែលបានចេញផ្សាយកាលពីថ្ងៃចន្ទ សេដ្ឋកិច្ចរបស់ប្រទេសចិនមាននិរន្តរភាពសន្ទុះនៃ​ការងើប​ឡើងវិញនៅ​ក្នុងឆមាសទីមួយនៃឆ្នាំនេះ បើទោះបីជាស្ថាមភាពសេដ្ឋកិច្ចអន្តរជាតិមានសភាពធ្ងន់ធ្ងរ និងស្មុគស្មាញ​ក៏ដោយ ជាមួយនឹងសូចនាករសេដ្ឋកិច្ចសំខាន់ៗរបស់ប្រទេសនេះ បានបង្ហាញពីសញ្ញា​នៃការប្រសើរឡើងបន្ថែមទៀត។

នៅក្នុងលក្ខខណ្ឌពាណិជ្ជកម្មបរទេស ការនាំចូល និងនាំចេញទំនិញរបស់ប្រទេសបានកើនឡើង ២,១ភាគរយបើ​ធៀបទៅនឹងឆ្នាំមុនគិតជាប្រាក់យ័នក្នុងរយៈពេលប្រាំមួយខែដំបូងក្នុងឆ្នាំនេះ។

ក្នុងរយៈពេលប្រាំខែដំបូង ការវិនិយោគផ្ទាល់ពីបរទេស (FDI) នៅចិនដីគោកមានចំនួន ៨៤,៣៥ពាន់លាន​ដុល្លារអាមេរិក​ក្នុងការប្រើប្រាស់ជាក់ស្តែង។ សហគ្រាសវិនិយោគបរទេសថ្មីសរុបមានចំនួន១៨.៥៣២សហគ្រាស ត្រូវបានបង្កើតឡើង​នៅទូទាំងប្រទេស ដោយកើនឡើងចំនួន ៣៨,៣ភាគរយធៀបនឹងឆ្នាំមុន៕