ស្វីស ៖ ក្រុមនគរបាលស្វីស បានបញ្ជាឲ្យជម្លៀសមនុស្សចេញពីភូមិតំបន់ភ្នំជា​ច្រើនកន្លែងនៅ​ភាគខាងត្បូង​ប្រទេសស្វីស ​ស្របពេលដែលភ្លើងឆេះព្រៃរីករាលដាលខ្លាំង ហើយគេនៅពុំទាន់ដឹងច្បាស់​ភ្លាមៗនោះទេ​ថាតើ​មនុស្សប៉ុន្មាននាក់ បានរងផលប៉ះពាល់ ។  

ក្រុមភ្នាក់ងារពន្លត់អគ្គិភ័យប្រហែល ២០០នាក់ កងទ័ព ក្រុមនគរបាល និងក្រុមដៃគូផ្សេងទៀត បានធ្វើការដោយមាន​ឧទ្ធម្ភាគចក្រ ដើម្បីព្យាយាមពន្លត់អណ្តាតភ្លើងនៅស្រុក Valais(កាឡេ) ស្ថិតនៅភាគខាងត្បូងប្រទេសស្វីស រហូតដល់​ថ្ងៃរ​សៀល ប៉ុន្តែភ្លើងឆេះព្រៃនៅតែបន្តឆាបឆេះ ។ 

ក្រុមហ៊ុនជួយសង្រ្គោះ Air Zermatt ដែលប្រតិបត្តិការឧទ្ធម្ភាគចក្រ ៤គ្រឿង បាននិយាយថា កិច្ចខិតខំពន្លត់ភ្លើងឆេះព្រៃ នឹងបន្តហូតដល់ពេលយប់ ។ នគរបាលស្រុក Valaisបានបង្ហោះរូបភាពឃើញឧទ្ធម្ភាគចក្រ​យោងធុងទឹក​ពីលើភ្លើងឆេះ​ព្រៃ​នៅថ្ងៃរសៀល ។ រូបភាពបន្ទាប់ឃើញភ្លើងឆេះព្រៃកាន់តែទ្រង់ទ្រាយធំ ដោយមានផ្សែងខ្មៅដ៏ក្រាស់​គ្របដណ្តប់​ពីលើព្រៃឈើ ។ 

តំបន់ភ្លើងឆេះព្រៃនេះដែរ បានរងផលប៉ះពាល់ដោយសារតែរលកកម្តៅតែមួយនៅសមុទ្រមេឌីទែរ៉ាណេ ដែលបានវាយ​ប្រហារ​តំបន់ភាគខាងត្បូងអឺរ៉ុប ក្នុងនោះសីតុណ្ហភាពបានកើនឡើងដល់ពី ៣០អង្សាសេនៅស្រុក Valais ក្នុង​សប្តាហ៍នេះ ៕