ចិន ៖ កាលពីថ្ងៃច័ន្ទ (១៧ កក្កដា) ប្រតិបត្តិការជួយសង្គ្រោះកំពុងបន្តនៅតាមដងផ្លូវលិចទឹកក្នុងខេត្តហ្វ៊ូជាន (Fujian) ភាគខាងត្បូងប្រទេសចិន បន្ទាប់ពីព្យុះទីហ្វុងដ៏ធំមួយបានវាយប្រហារ និងបណ្តាលឱ្យមានទឹកជំនន់​រីករាលដាលពាស​ពេញតំបន់។

វីដេអូពីនាយកដ្ឋានពន្លត់អគ្គីភ័យទីក្រុងហ្វ៊ូចូវ (Fuzhou) បានបង្ហាញអ្នកស្រុកកំពុងជិះកាណូតឆ្លងកាត់​ផ្លូវលិចទឹកក្នុង​ទីក្រុង ជាទីតាំងខាងក្រៅដែលព្យុះទីហ្វុង ថាលីម បានបណ្តាលឱ្យមានភ្លៀងធ្លាក់ដ៏ខ្លាំង នេះបើយោង​តាមការិយាល័យ​ឧតុនិយមខេត្តហ្វ៊ូជាន។

ព្យុះទីហ្វុង ថាលីម ជាព្យុះទីហ្វុងទីមួយដែលបានបោកបក់ដល់ដីគោកក្នុងប្រទេសចិនក្នុងឆ្នាំនេះ បានវាយប្រហារឆ្នេរ​សមុទ្រកាលពីយប់ថ្ងៃច័ន្ទក្នុងខេត្តក្វាងទុង ដោយបានចុះខ្សោយយ៉ាងឆាប់រហ័សទៅជាព្យុះត្រូពិច។

យោងតាមរដ្ឋបាលឧតុនិយមរបស់ប្រទេសចិន ព្យុះនោះត្រូវបានគេរំពឹងថានឹងបោក​បក់ហើយផ្លាស់​ទីទៅភាគ​ខាងជើងប្រទេសវៀតណាម៕