មន្ត្រីរដ្ឋាភិបាលជប៉ុន កំពុងបង្ហាញការព្រួយបារម្ភខ្លាំងជុំវិញការសម្រេចចិត្តរបស់រុស្ស៊ី ដើម្បីបញ្ឈប់កិច្ចព្រមព្រៀងមួយដែលអនុញ្ញាតឲ្យមានការនាំចេញគ្រាប់ធញ្ញជាតិអ៊ុយក្រែននៅបន្តពីកំពង់ផែសមុទ្រខ្មៅ។

រដ្ឋមន្ត្រីការបរទេស លោក Hayashi Yoshimasa បានប្រាប់ក្រុមអ្នកសារព័ត៌មាននៅថ្ងៃអង្គារនេះថា រុស្ស៊ី និងទទួលខុសត្រូវនៅពេលចុងក្រោយ សម្រាប់ផលប៉ះពាល់ជាអវិជ្ជមាននូវការសម្រេចចិត្តរបស់ខ្លួនក្នុងការបញ្ឈប់កិច្ចព្រមព្រៀងគ្រាប់ធញ្ញជាតិអ៊ុយក្រែន។ 

លោកនិយាយថា លោកស្នើសុំឲ្យមានកិច្ចប្រឹងប្រែងធ្វើឡើងដោយអង្គការសហប្រជាជាតិ និងប្រទេសទួរគី ដើម្បីរក្សាក្របខណ្ឌអន្តរជាតិ ហើយលោកនឹងឃ្លាំមើលយ៉ាងដិតដល់ និងគាំទ្រកិច្ចប្រឹងប្រែងទាំងនោះ។ លោក Hayashi និយាយថា លោកនឹងទាមទាឲ្យរុស្ស៊ីត្រឡប់មករកក្របខណ្ឌអន្តរជាតិ ហើយនោះ ការនាំចេញគ្រាប់ធញ្ញជាតិរបស់អ៊ុយក្រែន នឹងត្រូវបានបន្ត។ 

ប្រធានរដ្ឋមន្ត្រីខុទ្ធការល័យ លោក Matsuno Hirokazu បានិយាយថា ការសម្រេចចិត្តរបស់រុស្ស៊ី គឺគួឲ្យសោកស្តាយខ្លាំង ហើយលោកព្រួយបារម្ភអំពីផលប៉ះពាល់ដែលអាចកើតមានលើការផ្គត់ផ្គង់ស្បៀងអាហារពិភពលោក។

លោកនិយាយថា ដើម្បីធានាបានសន្តិសុខស្បៀងអាហាសកល រដ្ឋាភិបាល នឹងធ្វើការដើម្បីបញ្ចុះបញ្ចូលរុស្ស៊ីឲ្យត្រឡប់មករកកិច្ចព្រមព្រៀង ក្នុងាករសម្របសម្រួលជាមួយក្រុមប្រទេស G7 និងសមាជិកសហគមន៍អន្តរជាតិដ៏ទៃទៀត។