ក្រុមហ៊ុនផលិតបន្ទះឈីប Rohm របស់ប្រទេសជប៉ុន បានឲ្យដឹង នៅថ្ងៃអង្គារ (ទី១៨ ខែកក្កដា)នេះ ថា ខ្លួននឹងវិនិយោគទឹកប្រាក់១០០ពាន់លានយ៉េន (៧២២លានដុល្លារ) ពីទុនគាំទ្រដោយបណ្តាដៃគូឧស្សាហកម្មជប៉ុន (JIP) ដែលកំពុងចាប់ផ្តើមដេញថ្លៃ ដើម្បីទិញយកភាគហ៊ុនរបស់ក្រុមហ៊ុន Toshiba Corp។

ក្រៅពីនេះ ក្រុមហ៊ុន Rohm ក៏មានគម្រោងផងដែរ ក្នុងការផ្ដល់ហិរញ្ញវត្ថុចំនួន ២០០ពាន់លានយ៉េនលើប័ណ្ណភាគហ៊ុនទទួលភាគលាភមុនមិនចាំបាច់មានការបោះឆ្នោត ដែលចេញដោយក្រុមហ៊ុន TBJ Holdings ដែលនឹងត្រូវបានបង្កើតឡើងដោយក្រុមហ៊ុនដៃគូឧស្សាហកម្មជប៉ុន (Japan Industrial Partners) សម្រាប់សំណើដេញថ្លៃ ដើម្បីទិញភាគហ៊ុនក្រុមហ៊ុន Toshiba នេះ។

សំណើដេញថ្លៃនេះ នឹងធ្វើឲ្យក្រុមហ៊ុនផលិតអេឡិចត្រូនិក ក្លាយទៅជាស្ថានីយមពលមានអ្នករួមដៃក្នុងស្រុក បន្ទាប់ពីបានប្រជែងគ្នាជាច្រើនឆ្នាំជាមួយម្ចាស់ភាគហ៊ុននៅក្រៅប្រទេស។

យ៉ាងណាក្ដី ទោះបីជាក្នុងសេចក្ដីថ្លែងការណ៍របស់ខ្លួន ក្រុមហ៊ុន Rohm បានប្រាប់ថា មិនទាន់មានកិច្ចព្រមព្រៀងណាមួយកើតឡើង ដើម្បីឈានដល់ការគ្រប់គ្រងរួមលើក្រុមហ៊ុន Toshiba ក៏ដោយ ក៏ប៉ុន្តែក្រុមហ៊ុន Rohm នឹងបើកចំហសម្រាប់ភាពជាដៃគូជាមួយក្រុមហ៊ុននេះ នាពេលអនាគត៕