ត្បូងឃ្មុំ ៖ ព្រឹកថ្ងៃទី ១៨ ខែកក្កដា ឆ្នាំ ២០២៣ ឯកឧត្តម ចាយ បូរិន សមាជិក​គណៈកម្មាធិការ​​កណ្តាល​គណបក្ស​ប្រជាជន​កម្ពុជា​ និង​ជា​អនុប្រធាន​ក្រុម​ការងារ​​គណបក្ស​ចុះ​មូលដ្ឋាន​​ស្រុក​តំបែរ​ ទទួល​បន្ទុក​​លេី​ការងារ​​យុវជន ​បាន​បន្ត​ជួប​សំណេះសំណាល​ជា​មួយ​សកម្មជនយុវជន​ភូមិ​ឃុំ ​នៅ​ឃុំត្រពាំងព្រីង ​ឃុំសេដា ​ឃុំតំបែរ​ និ​ង​ឃុំគោកស្រុក នៅ​ក្នុង​មូលដ្ឋាន​ស្រុក​តំបែរ ខេត្តត្បូងឃ្មុំ ។

ឯកឧត្តមចាយ បូរិន បានអប់រំ ណែនាំ ​ពង្រឹង​រចនាសម្ព័ន្ធ​ និងជម្រុញលើទឹកចិត្តដល់​សកម្មជនយុវជនគណបក្សភូមិ ឃុំទាំង៤ឃុំ ត្រូវពិនិត្យមេីលសមាជិកគណបក្សអ្នកចំណាកស្រុក ឯកឧត្តមបាន​បង្ហាញពីសមិទ្ធផលធំៗ​ របស់​រាជរដ្ឋាភិបាល ដឹកនាំដោយគណបក្សប្រជាជនកម្ពុជា កសាងសម្រាប់សង្គមជាតិ សួរសុខទុក្ខ​បងប្អូន​ប្រជាពលរដ្ឋ​តាមខ្នងផ្ទះ និងជម្រាបជូនអំពីរបៀបគូសសន្លឹកឆ្នោតឱ្យបានត្រឹមត្រូវដល់បងប្អូនប្រជាពលរដ្ឋ ក្នុងយុទ្ធនាការ​ឃោសនា​កសំឡេងឆ្នោតជូនគណបក្សយើង។

ឯកឧត្តម ចាយ បូរិន ក៏បានបន្តដឹកនាំយុវជនគណបក្សស្រុកតំបែរ​ជួបសំណេះសំណាល​សួរសុខទុក្​ខប្រជាពល​រដ្ឋតាមខ្នងផ្ទះក្នុងមូលដ្ឋានឃុំទាំង៤ផ្សព្វផ្សាយពីគោល​នយោបាយរបស់​គណបក្ស និងបានបង្រៀន​គូសសន្លឹកឆ្នោត​ឱ្យបាន​ត្រឹមត្រូវព្រមទាំងបានអំពាវនាវដល់ប្រជាពលរដ្ឋទាំងអស់សូមអញ្ជើញទៅបោះឆ្នោតនៅថ្ងៃទី២៣ ខែកក្កដា ​ឆ្នាំ២០២៣ ​ឱ្យបានគ្រប់ៗគ្នា ពិសេស គឺត្រូវបោះឆ្នោតជូនគណបក្សប្រជាជនកម្ពុជា មានរូបសញ្ញា «ទេវតាបាចផ្កា» ដែលមាន​លេខរៀងទី១៨ ក្នុងសន្លឹកឆ្នោត និងបានរម្លឹកដល់ប្រជាពលរដ្ឋដែលមានសិទ្ធិបោះឆ្នោត ត្រូវគូសលើ​សន្លឹកឆ្នោត​ឲ្យបានត្រឹមត្រូវ ដើម្បីរក្សាតម្លៃនៃសន្លឹកឆ្នោត ស្របតាមទិសស្លោក សន្លឹកឆ្នោតមួយសន្លឹកជាការ​គាំទ្រគណបក្ស​ប្រជាជនកម្ពុជា មួយសំឡេង ដើម្បីធានានូវអ្វីដែលប្រជាពលរដ្ឋកំពុងមាន និងបានចូលរួមចំណែក​ក្នុងការអភិវឌ្ឍ​ប្រទេសជាតិ សម្រាប់អនាគតកូនចៅជំនាន់ក្រោយ ៕