ខ្សែប្រយុទ្ធអង់គ្លេស Marcus Rashford បានចុះហត្ថលេខាបន្តកិច្ចសន្យា​នៅជាមួយ​ក្រុមបិសាច​ក្រហម Manchester United ដល់ឆ្នាំ ២០២៨ អមជាមួយការតម្លើងប្រាក់ឈ្នួលដល់ ៣២៥០០០ ផោនក្នុងមួយសប្តាហ៍។

កីឡាករវ័យ ២៥ ឆ្នាំរូបនេះ បានបើកការចរចាជាមួយក្លិបមួយរយៈចុងក្រោយនេះ ខណៈ​ដែល​កិច្ច​សន្យា​ចាស់​របស់គេនឹងអស់សុពលភាពនៅដំណាច់រដូវកាលថ្មីខាងមុខ។

Marcus Rashford មានរដូវកាលដ៏ល្អក្រោមការដឹកនាំរបស់អ្នកចាត់ការហូឡង់ Erik ten Hag រដូវកាលមុន ដែលគេឃើញកីឡាករវ័យ ២៥ ឆ្នាំរូបនេះស៊ុតបញ្ចូលទីបាន ៣០ គ្រាប់ក្នុង​បង្ហាញ​ខ្លួន ៥៦ ប្រកួត។

តាំងពីបង្ហាញខ្លួនឱ្យ Manchester United ដំបូងនៅឆ្នាំ ២០១៦ ទល់នឹង Midtjylland, Rashford ស៊ុតបញ្ចូលទីបាន ១២៣ គ្រាប់ហើយក្នុងចំណោម ៣៥៩ ប្រកួត។

ទំរង់លេងរបស់ Rashford បានឡើងខ្លាំងក្រោយពីបញ្ចប់ World Cup ពោល​គឺបាន​ស៊ុត​បញ្ចូល​ទី១០ គ្រាប់ និងស៊ុតបញ្ចូលទីរៀងរាល់ការប្រកួតដែលចូលលេង ដែលរួមមានជួយ Manchester United លើកពាន Carabao Cup និងឈរក្នុងតំណែងលេខ ៤ នៅ Premier League មាន​មុខ​នៅ UEFA Champions League រដូវកាលក្រោយ៕ អត្ថបទ៖នាង សុភាវុធ