កេនយ៉ា ៖ រដ្ឋាភិបាល ប្រទេសកេនយ៉ា បានបិទសាលារៀន នៅក្នុងរដ្ឋធានី និងតំបន់ផ្សេងទៀតចំនួន២កន្លែង ខណៈជួបបញ្ហាសេដ្ឋកិច្ចរបស់ប្រទេសអាហ្វ្រិកខាងកើតមួយនេះ នៅថ្ងៃពុធនេះ ដែលត្រៀមទប់ទល់សម្រាប់រយៈពេល៣ថ្ងៃនៃការធ្វើបាតុកម្មប្រឆាំងការកើនឡើងតម្លៃក្នុងជីវភាពរស់នៅ និងការតម្លើងតម្លៃពន្ធ។ ជុំទី២ នៃការតវ៉ាកាលពីដើមខែនេះ ដែលបានធ្លាក់ចូលក្នុងអំពើហិង្សា នៅពេលដែលនគរបាល បានបាញ់បំពង់ឧស្ម័នបង្ហូរទឹកភ្នែក ហើយក្នុងករណីមួយចំនួនបានបាញ់គ្រាប់ពិត ទៅលើហ្វូងមនុស្ស។ មនុស្សយ៉ាងហោចណាស់១៥នាក់ បានស្លាប់ និងរាប់រយនាក់ត្រូវបានចាប់ខ្លួន។ 

យោងតាមសេចក្តីរាយការណ៍ប្រព័ន្ធផ្សព្វផ្សាយក្នុងតំបន់បានឲ្យដឹងថា កុមារសិស្សសាលា៣នាក់ ត្រូវបានបញ្ជូនបន្ទាន់ទៅកាន់មន្ទីរពេទ្យ ក្នុងតំបន់ Kangemi នៅជាយក្រុង Nairobi បន្ទាប់ពីនគរបាល បានប្រើប្រាស់ ឧស្ម័នបង្អៀរទឹកភ្នែកក្នុងបរិវេណសាលារបស់ពួកគេ ខណៈធ្វើការបំបែកក្រុមអ្នកតវ៉ា។

គណបក្សប្រឆាំងប្រទេសកេនយ៉ា បានអំពាវនាវឲ្យមានការតវ៉ានៅតាមតំបន់ ដោយសារតែការតម្លើងពន្ធ ត្រូវបានអនុម័តកាលពីខែមុនដោយរដ្ឋាភិបាលរបស់ប្រធានាធិបតី William Ruto ដែលបានជាប់ឆ្នោតកាលពីខែសីហា ដោយសន្យាគាំទ្រផលប្រយោជន៍អ្នកក្រីក្រ ប៉ុន្តែបានមើលឃើញតម្លៃគ្រឿងប្រើប្រាស់ជាមូលដ្ឋាន កើនឡើង នៅក្រោមរដ្ឋបាលរបស់លោក។