មន្ត្រីរដ្ឋាភិបាល និយាយថា មនុស្សយ៉ាងហោចណាស់ ១៦នាក់បានស្លាប់ និង៦នាក់ផ្សេងទៀត បានរងរបួស នៅក្នុងករណីដែលសង្ស័យថា ឆក់ខ្សែភ្លើង នៅក្នុងរដ្ឋ Uttarakhand ប្រទេសឥណ្ឌាភាគខាងជើង នៅព្រឹកថ្ងៃពុធនេះ។

ឧបទ្ទវហេតុ បានកើតឡើង នៅខាងក្នុងរោងចក្រប្រព្រឹត្តិកម្មលូបង្ហូរទឹកចេញ ដែលត្រូវបានបង្កើតឡើងនៅក្នុងស្រុក Chamoli របស់រដ្ឋតំបន់ភ្នំហិម៉ាល័យមួយនេះ ជាផ្នែកមួយនៃកម្មវិធីពិសេសរបស់រដ្ឋាភិបាលសហព័ន្ធ ដែលផ្តោតលើការអភិរក្សទន្លេគង្គា

មន្ត្រីនិយាយថា កស្លាប់រួមមានទាំងមន្ត្រីនគរបាលម្នាក់ និងបុគ្គលិក៣នាក់មកពី ឆ្មាំតំបន់ Home Guard ហើយក្រោយមកត្រូវបានគេសង្ស័យថា បានស្លាប់ ខណៈពួកគេ ប៉ុនប៉ងជួយសង្គ្រោះមន្ត្រីនគរបាល។ ការស៊ើបអង្កេតរបស់ក្រុមប្រឹក្សានៃអង្គចៅក្រម ត្រូវបានធ្វើឡើងក្នុងករណីឧបទ្ទហេតុនេះ។ 

លោក Himanshu Khurana ចៅក្រមតំបន់ បាននិយាយថា របៀបដែលឧបទ្ទហេតុកើតឡើង នឹងច្បាស់លាស់ បន្ទាប់ពីមានការស៊ើបអង្កេតលម្អិត ប៉ុន្តែវាហាក់ដូចជាបានកើតឡើងដោយសារតែការឆក់ខ្សែភ្លើង។