នាយករដ្ឋមន្ត្រីឥណ្ឌាលោក Narendra Modi នៅថ្ងៃព្រហស្បតិ៍ (២០ កក្កដា)នេះ បានហៅការចោទប្រកាន់រំលោភផ្លូវភេទលើស្ត្រីនៅក្នុងរដ្ឋម៉ានីពួរ ភាគឦសានថា "ជារឿងគួរឱ្យអាម៉ាស់" ដោយជំរុញឱ្យប្រមុខរដ្ឋាភិបាលរដ្ឋនានា ធានាសុវត្ថិភាពរបស់ស្ត្រី។

យ៉ាងហោចណាស់មនុស្ស ៨០នាក់ត្រូវបានសម្លាប់ និងជាង ៤០.០០០នាក់បានភៀសខ្លួនចេញពីផ្ទះសម្បែងរបស់ពួកគេចាប់តាំងពីមានការប៉ះទង្គិចគ្នាបានកើតឡើងនៅរដ្ឋម៉ានីពួរ កាលពីដើមខែឧសភារវាងក្រុមជនជាតិភាគតិចមក។

ប្រមុខរដ្ឋម៉ានីពួរលោក Biren Singh បាននិយាយនៅលើបណ្ដាញសង្គម Twitter ថា នគរបាលរដ្ឋបានចាប់ខ្លួនមនុស្សជាលើកដំបូងនៅក្នុងករណីនេះ ដោយមិនបានបញ្ជាក់ពីចំនួនមនុស្សដែលត្រូវបានចាប់ខ្លួននោះទេ។

តុលាការកំពូលរបស់ប្រទេសឥណ្ឌាបាននិយាយថា ខ្លួនមានការរំខានយ៉ាងខ្លាំងចំពោះបញ្ហានេះ ហើយបានស្នើឱ្យរដ្ឋាភិបាលជូនដំណឹង ដល់តុលាការអំពីវិធានការនានាដើម្បីចាប់ខ្លួនជនល្មើស និងធានាថាឧប្បត្តិហេតុបែបនេះមិនកើតឡើងម្តងទៀតទេ។

លោក Modi បាននិយាយថា ឧប្បត្តិហេតុនេះបានធ្វើឲ្យលោកមានកំហឹង និងភាពមិនប្បាយចិត្តជាខ្លាំង។ លោកបានថ្លែងមុនសម័យប្រជុំសភាថា “សង្គមស៊ីវិលណាក៏ខ្មាសគេចំពោះបញ្ហាបែបនេះដែរ”៕