ជប៉ុន ៖ កាលពីថ្ងៃព្រហស្បតិ៍ បាតុករជប៉ុនជិតមួយរយនាក់បានប្រមូលផ្តុំគ្នាដើម្បីធ្វើការប្រឆាំងនឹងផែន​ការរបស់​ប្រទេសជប៉ុនក្នុងការបង្ហូរទឹកកខ្វក់នុយក្លេអ៊ែរចេញពីរោងចក្រថាមពលនុយក្លេអ៊ែរ ហ្វ៊ូគូស៊ីម៉ា ដៃអ៊ិឈី ដែលបានខូចខាត ចូលទៅក្នុងសមុទ្រ។

បាតុកម្មនេះត្រូវបានធ្វើឡើងកាលពីរសៀលថ្ងៃព្រហស្បតិ៍នៅមុខទីស្នាក់ការកណ្តាលរបស់ក្រុមហ៊ុនថាមពលអគ្គិសនីតូក្យូ (TEPCO) ដែលជាប្រតិបត្តិករនៃរោងចក្រថាមពលនុយក្លេអ៊ែរនោះ។

ក្រុមអ្នកតវ៉ាមកពីក្រុមពលរដ្ឋក្នុងស្រុកមួយចំនួនបានស្រែកពាក្យស្លោកថា "ការពារមហាសមុទ្រ ការពារអនាគតយើង" និងបានបង្ហាញផ្ទាំងបដាដែលសរសេរថា "កុំបង្ហូរសំណល់ទឹកដែលបំពុលដោយនុយក្លេអ៊ែរទៅក្នុងសមុទ្រអី" និង "កុំបំពុលមហាសមុទ្ររបស់យើង"។ ក្រុមអ្នកតំណាងបាតុករក៏បានបង្ហាញលិខិតតវ៉ាទៅក្រុមហ៊ុន TEPCO ដោយអំពាវនាវ​ឲ្យបញ្ឈប់គម្រោងបង្ហូរទឹកនេះផងដែរ។

រដ្ឋាភិបាលជប៉ុនបានសម្រេចធ្វើប្រព្រឹត្តិកម្ម និងសម្លាប់មេរោគសំណល់ទឹកកខ្វក់នុយក្លេអ៊ែរចេញពីរោងចក្រ ហ្វ៊ូគូស៊ីម៉ា ហើយបង្ហូរវាទៅក្នុងសមុទ្រក្នុងឆ្នាំ២០២៣នេះ ដោយមិនយកចិត្តទុកដាក់ចំពោះសំណួរ ព្រមទាំងការរិះគន់ក្នុងស្រុក និងពីបរទេសទេ។

ដំណើរការនេះត្រូវបានគេរំពឹងថានឹងមានរយៈពេលពី ២០ឆ្នាំទៅ ៣០ឆ្នាំ រហូតដល់រោងចក្រថាមពលនុយក្លេអ៊ែរ​នេះត្រូវបានកម្ទេចចោល៕