កូរ៉េខាងត្បូង ៖ ការស្ទង់មតិរបស់សេដ្ឋវិទូនៃសារព័ត៌មានReuters បានរកឃើញថា កំណើនសេដ្ឋកិច្ច​របស់​ប្រទេសកូរ៉េខាងត្បូងទំនងជាបានធ្លាក់ចុះបន្តិច កាលពីត្រីមាសមុន ខណៈដែលការនាំចេញធ្លាក់ចុះ និង​អត្រាការប្រាក់ខ្ពស់ បានប៉ះពាល់ដល់ការប្រើប្រាស់ឯកជន ដែលមានចំនួនប្រហែលពាក់កណ្តាលនៃសេដ្ឋកិច្ច។

ខណៈពេលដែលការនាំចេញពីប្រទេសដែលមានសេដ្ឋកិច្ចធំជាងគេទី៤របស់អាស៊ី បានធ្លាក់ចុះនៅក្នុងខែមិថុនា ការនាំចូលក៏ធ្លាក់ចុះផងដែរ ដែលបង្ហាញពីកង្វះខាតនៃតម្រូវការក្នុងស្រុក និងពីបរទេស ជាពិសេសពីប្រទេសចិន ដែលជាដៃគូពាណិជ្ជកម្មធំបំផុតរបស់ប្រទេសនេះ។

ពីមួយឆ្នាំទៅឆ្នាំ ផលិតផលក្នុងស្រុកសរុប (GDP) ត្រូវបានគេរំពឹងថា នឹងកើនឡើង ០,៨ % ក្នុងអំឡុងខែមេសា​ដល់​ខែមិថុនា បានធ្លាក់ចុះបន្តិច បើប្រៀបធៀបទៅនឹងការកែប្រែកំណើន០,៩ %ក្នុងខែមករាដល់​ខែមីនា នេះបើយោងតាម​ការព្យាករណ៍ជាមធ្យមរបស់អ្នកសេដ្ឋវិទូចំនួន ២២នាក់។

ទោះបីជាយ៉ាងណាក៏ដោយ នៅលើមូលដ្ឋានប្រចាំត្រីមាស សេដ្ឋកិច្ចដែលជំរុញដោយនាំចេញ បានកើនឡើង ០,៥% ដែលត្រូវបានកែប្រែតាមរដូវកាល ដែលខ្ពស់ជាងកំណើន០,៣ % នៅក្នុងត្រីមាសមុន ដែលបង្ហាញពីការស្ទុះងើប​ឡើងវិញតិចតួច បន្ទាប់ពីវាបានជៀសវាងការធ្លាក់ចុះផ្នែកបច្ចេកទេសនៅក្នុង ត្រីមាសទី១ (Q1)។

លោក Park Sang-hyun សេដ្ឋវិទូនៅក្រុមហ៊ុនវិនយោគនិងមូលបត្រ HI (HI Investment and Securities) បាន​និយាយថា៖«កំណើនផលិតផលសរុបក្នុងស្រុកឬGDP…ត្រូវបានគេរំពឹងថា នឹងមានល្បឿនប្រហាក់ប្រហែល​នឹងត្រីមាសទី១ ដោយសារការនាំចេញ និងវិស័យផលិតកម្ម ធ្លាក់ចុះ ការវិនិយោគទន់ខ្សោយក៏​ដូចជាការ​ចំណាយរបស់រដ្ឋាភិបាលតិចជាងមុន។