ក្រោយពីឆ្លងកាត់រលកកម្តៅដ៏ក្តៅខ្លាំង ព្យុះទឹកកក បានបោកបក់មកលើតំបន់ភាគឦសានប្រទេសអ៊ីតាលី បណ្តាលឲ្យមានការខូចខាតទ្រង់ទ្រាយធំ និងមនុស្សជាច្រើន បានរងរបួស ។ 

 តំបន់ Veneto ដែលរងគ្រោះខ្លាំងជាងគេបំផុតនោះ មានមនុស្ស ១១០នាក់ បានរងរបួសដោយសារតែត្រូវដុំទឹកកក បំណែកកែវ និងដួល ។ 

 អភិបាលតំបន់ Veneto លោក Luca Zaia បានកើតសរសើរដល់ការឆ្លើយតបរហ័សរបស់ក្រុមជួយសង្រ្គោះ និងក្រុមការងារដែលព្យាយាមស្តាសេវាកម្មឡើងវិញ និងធ្វើដំណើរទៅដល់តំបន់រងការខូចខាត។ 

 ដោយឡែក ខេត្ត Mantova បានរងផលប៉ះពាល់ផងដែរ ពេលដែលព្យុះទឹកកកមានគ្រាប់ប៉ុនផ្លែក្រួចឆ្មា ធ្វើឲ្យខូចខាតធ្ងន់ធ្ងរដល់រថយន្តដែលចតចោល និងអគារជាច្រើនខ្នង រួមទាំងដំបូងក្បឿង និងដំបូលផ្ទាំងស្រូបពន្លឺព្រះអាទិត្យ ។ 

 ភាគច្រើននៃការខូចខាត បានកើតឡើងនៅខេត្ត Mantovaនេះតែម្តង ហើយនិងទីក្រុង Curtatone និងទីក្រុង San Giorgio Bigarello ។ ចម្ការដំណាំពិសេសចម្កាដំណាំផ្លែឈើ បានរងការបំផ្លិចបំផ្លាញផងដែរ ៕