​ចិន៖ នៅ​ថ្ងៃ​ពុធ​នេះ ចិន​បាន​ចោទប្រកាន់​សហរដ្ឋអាមេរិក​ ពី​បទ​គំរាមកំហែង​ដល់​សន្តិភាព និង​ស្ថិរភាព​នៃ​ច្រក​សមុទ្រ​តៃវ៉ាន់​ បន្ទាប់ពី​នាវាចម្បាំង​របស់​សហរ​ដ្ឋ​អាមេរិក​បាន​បើក​ឆ្លងកាត់​ជាថ្មី ​ក្នុង​ដែនទឹក​ខណ្ឌ​ចែក​កោះ​តៃវ៉ាន់​ពី​ប្រទេសជិតខាង​ដ៏​ធំ​របស់​ខ្លួន​។

​អង្គភាព​របស់​កងទ័ព​ជើង​ទឹក​ទី​៧ របស់​សហរដ្ឋអាមេរិក​និយាយ​ថា នាវា​ពិឃាត ​ឬ USS Curtis Wilbur បំពាក់​ដោយ​មី​ស៊ី​ល Arleigh Burke បាន​ធ្វើ​សកម្មភាព​តាម​ទម្លាប់​នៅ​ចក្រ​សមុទ្រ​កោះ​តៃវ៉ាន់ កាលពី​ថ្ងៃ​អង្គារ​តាមច្បាប់​អន្តរជាតិ​។​ អង្គភាព​នេះ​បាន​និយាយ​ថា​ ការ​ឆ្លង​កាត់​របស់​នាវា​តាម​ចក្រ​សមុទ្រ​កោះ​តៃវ៉ាន់​បង្ហាញ​ថា ​ការ​តាំង​ចិត្ត​របស់​សហ​រដ្ឋ​អាមេរិក​ចំពោះ​ចក្ខុវិស័យ​តំបន់ Indo-Pacific សេរី​ និង​បើកចំហ។ យោធា​សហរដ្ឋអាមេរិក​នឹង​បន្ត​ហោះហើរ បើក​នាវា និង​ធ្វើ​ប្រតិបត្តិការ​គ្រប់​ទីកន្លែង​ដែល​ច្បាប់​អន្តរជាតិ​បាន​អនុញ្ញាត​។​ អ្នកនាំពាក្យ​សម្រាប់​ទីបញ្ជាការ​មជ្ឈមណ្ឌល​ខាងកើត​របស់​ចិន បាន​បង្ហាញ​ការជំទាស់​ដាច់​ណាត់ ​និង​ថ្កោលទោស​ចំពោះ​សកម្មភាព​ដែល​កើតមានឡើង ​ស្រប​ពេល​ភាព​តានតឹង​កើន​ឡើង​ខ្លាំង​រវាង​មហាអំណាច​ពិភពលោក​ទាំង​២៕

អត្ថបទ៖ សុខមាន