ចំហេះព្រៃដែលកំពុងរីករាលដាលយ៉ាងឆាប់រហ័សនៅកណ្តាលកោះ ក្រាន កាណារីយ៉ារបស់ប្រទេសអេស្ប៉ាញ កាលពីថ្ងៃអង្គារ (២៥ កក្កដា) បានបង្ខំឱ្យក្រុមអាជ្ញាធរជម្លៀសអ្នកភូមិរាប់រយនាក់ចេញពីផ្ទះសម្បែងរបស់ពួកគេ បិទផ្លូវចំនួនបីខ្សែ និងបញ្ចូនឧទ្ធម្ភាគចក្រជាច្រើនគ្រឿងដើម្បីទប់ស្កាត់អគ្គិភ័យនេះ។

សាក្សីរបស់សារព័ត៌មាន រ៉យទ័រ ម្នាក់បាននិយាយថា អណ្តាតភ្លើងដែលប៉ះពាល់ដល់ផ្នែកកណ្តាលនៃកោះនៅជិតកំពូលភ្នំ Tejeda ឆ្ងាយពីឆ្នេរសមុទ្រដែលពេញនិយមដោយអ្នកទេសចរណ៍នេះ គឺនៅត្រឹមតែប៉ុន្មានម៉ែត្រពីខ្សែអង់តែននៅលើកំពូលភ្នំប៉ុណ្ណោះ ដែលខ្សែខ្លះភ្ជាប់ទៅនឹងការគ្រប់គ្រងចរាចរណ៍ផ្លូវអាកាសទៀតផង។

ទោះបីជាយ៉ាងណាក៏ដោយ ប្រតិបត្តិករអាកាសយានដ្ឋានអេស្ប៉ាញ AENA បានប្រាប់សារព័ត៌មាន រ៉យទ័រ ថា ទោះជាយ៉ាងណាក៏ដោយ អាកាសយានដ្ឋាន ក្រាន កាណារីយ៉ា នៅឆ្នេរសមុទ្រភាគខាងកើតកំពុងដំណើរការជាធម្មតា។

លោក Antonio Morales ប្រធានក្រុមប្រឹក្សាកោះ ក្រាន កាណារីយ៉ា បានប្រាប់អ្នកយកព័ត៌មានថា ក្រុមអ្នកពន្លត់អគ្គិភ័យចំនួន ១០០នាក់ និងយន្តហោះចំនួន ៩គ្រឿង កំពុងធ្វើប្រតិបត្តិការដើម្បីពន្លត់អគ្គិភ័យដែលបានឆាបឆេះពេញព្រៃទំហំ២០០ហិចតា ប៉ុន្តែមិនមានសំណង់អគារក្នុងស្រុកណាមួយទ្រូវបានខូចខាតនោះទេ៕