កូនស្រីរបស់លោកបាននិយាយនៅថ្ងៃពុធនេះថា លោក ថាក់ស៊ីន ស៊ីណាវ៉ាត់ អតីតនាយករដ្ឋមន្ត្រីដែលនិរទេសខ្លួនរបស់ប្រទេសថៃ មានផែនការវិលត្រលប់មកកាន់ប្រទេសវិញ នៅថ្ងៃទី១០ ខែសីហា ដោយប្រឈមនឹងពេលវេលាជាប់ពន្ធនាគារដែលអាចកើនមាននិងក្នុងពេលដែលមានវិបត្តិនយោបាយដែលបានអូសបន្លាយពេល បន្ទាប់ពីការបោះឆ្នោតសកលកាលពីខែឧសភា។

លោកស្រី ផែថងថាន ស៊ីណាវ៉ាត់ (Paetongtarn Shinawatra) បាននិយាយនៅលើការបង្ហោះតាមបណ្តាញផ្សព្វផ្សាយសង្គមថា «លោកប៉ា នឹងត្រលប់មកវិញនៅថ្ងៃទី១០ ខែសីហា នៅព្រលានយន្តហោះ Don Muang (ដុន មឿង) ដោយនិយាយសំដៅដល់ព្រលានយន្តហោះមួយនៅក្នុងទីក្រុងបាងកក។

ការសម្រេចចិត្តដើម្បីត្រលប់មកប្រទេសកំណើតវិញនេះ គឺជារឿងមួយដែលលោកប៉ា បាននិយាយយ៉ាងជាក់លាក់អំពីរៀងនេះ ចាប់តាំងពីដើមឆ្នំា២០២២មក។ លោក ថាក់ស៊ីន មានអាយុ ៧៤ឆ្នាំ មានឥទ្ធិពលខ្លាំងក្នុងពាណិជ្ជកម្មទូរគមនាគមន៍ ហើយជានាយករដ្ឋមន្ត្រី ចាប់ពីឆ្នាំ២០០១ រហូតដល់លោកត្រូវបាន    បណ្តេញចេញនៅក្នុងរដ្ឋប្រហារឆ្នាំ២០០៦។ បច្ចុប្បន្នលោករស់នៅក្នុងការនិរទេសភាពបន្ទាប់ពីភៀសខ្លួនពីប្រទេសថៃ ដើម្បីបញ្ចៀសពីការកាត់ទោសដាក់ពន្ធនាគារពីបទពុករលួយក្នុងឆ្នំ២០០៨។

បច្ចុប្បន្ន គណបក្សភឿថៃ ត្រូវបានគាំទ្រដោយលោក ថាក់ស៊ីន ដែលកំពុងប៉ុនប៉ងដើម្បីបង្កើតរដ្ឋាភិបាលមួយនៅក្នុងប្រទេសថៃ បន្ទាប់ពីស្ថិតក្នុងលំដាប់ទី២ ក្នុងការបោះឆ្នោតសកលកាលពីថ្ងៃទី១៤ ខែឧសភា។ ស្នងការរងនគរបាលជាតិប្រទេសថៃ លោក Surachate Hakparn បាននិយាយថា លោកថាក់ស៊ីន នឹងក្លាយជាគោលដៅចំពោះដំណើរការតុលាការនៅពេលការវិលត្រលប់របស់លោកតាមផែនការ។ លោកប្រឈមមុខការជាប់ពន្ធនាគាររហូតដល់១០ឆ្នំាសម្រាប់ករណីជាច្រើន ដែលលោកត្រូវបានកាត់ឲ្យជាប់ទោសដោយតុលាការកំពូលរបស់ប្រទេស ខណៈការចោទប្រកាន់ទាំងនេះ លោកនិយាយថាគឺជាហេតុផល នយោបាយ។