ប្រជាពលរដ្ឋទុយនីស៊ី បាននាំគ្នាសម្រុកទៅកាន់តំបន់ឆ្នេរ ពេលដែលរលកកម្តៅវាយប្រហារបណ្តាប្រទេសជាច្រើននៅអាហ្វ្រិកខាងជើង ក្នុងនោះសីតុណ្ហភាព ៤៩អង្សាសេ បានរកឃើញមាននៅតាមទីក្រុងមួយចំនួនរបស់ទុយនីស៊ី ក្នុងសប្តាហ៍នេះ ។ 

 ហ្វូងមនុស្ស បាននាំគ្នាអង្គុយលើឆ្នេរ ស្ថិតក្នុងរដ្ឋធានី Tunis ហែលទឹកក្នុងសមុទ្រ ដើម្បីធ្វើឲ្យខ្លួនពួកគេត្រជាក់ ខណៈដែលមនុស្សមួយចំនួនទៀត ទប់សំពត់តង់របស់ពួកគេកុំឲ្យខ្យល់បក់ប៉ើង ។ 

ភ្លើងឆេះព្រៃពីប្រទេសអាល់ហ៊្សេរី បោកបក់ដោយខ្យល់ខ្លាំង បានរាលដាលដល់ប្រទេសជិតខាងទុយនីស៊ី បង្ខំឲ្យបិទចំណុចឆ្លងកាត់ព្រំដែន ២កន្លែង ។ 

 ស្របពេលនោះដែរ ស្រ្តីម្នាក់បានព្យាយាមធ្វើឲ្យក្រុមបាតុករត្រជាក់ ពេលពួកគេតវ៉ាប្រឆាំងនឹងលោកប្រធានាធិបតី Kais Saied ក៏ដូជជារំឭករយៈពេល ២ឆ្នាំ ចាប់តាំងពីលោក Saied បណ្តេញរដ្ឋាភិបាល និងបង្កកសភា ក្នុងវិបត្តិនយោបាយដែលក្រុមប្រឆាំងរបស់លោក ចាប់ទុកថាជារដ្ឋប្រហារ ។ 

 អ្នកស្រី Fatheia Azaz និយាយថា អ្នកស្រីបានចាកទឹកពណ៌ផ្កាឈូកលើក្រុមបាតុករដែលមកទីនេះដើម្បីបូជាខ្លួនជូនប្រទេសទុយនីស៊ី ។ 

 គួរឲ្យដឹងថា ក្រុមចម្រុះប្រឆំាងរណសិរ្សសង្រ្គោះទុយនីស៊ី បាននាំគ្នាតវ៉ានៅទីក្រុង Tunis កាលពីថ្ងៃអង្គារ ដើម្បីប្រឆាំងលោកប្រធានាធិបតី Saied ៕