ក្រសួងការបរទេសសហរដ្ឋអាមេរិក បាននិយាយកាលពីថ្ងៃពុធថា ក្រុមមន្រ្តីសហរដ្ឋអាមេរិក នឹងជួបពិភាក្សាការងារជាមួយអ្នកតំណាងមកពីក្រុមតាលីបង់ និងក្រុមអ្នកជំនាញបច្ចេកទេសមកពីក្រសួងសំខាន់ៗរបស់អាហ្វហ្គានីស្ថាន អំឡុងដំណើរទស្សនកិច្ចទៅកាន់ទីក្រុង Dohaរបស់ប្រទេសកាតា នៅក្នុងសប្តាហ៍នេះ ហើយពួកគេនឹងពិភាក្សាលើបញ្ហាសេដ្ឋកិច្ច សន្តិសុខ និងបញ្ហាសិទ្ធិនារី ។

ក្រសួងការបរទេសសហរដ្ឋអាមេរិក និយាយនៅក្នុងសេចក្តីថ្លែងការណ៍ថា ក្រុមអ្នកតំណាងពិសេសសម្រាប់អាហ្វហ្គានីស្ថានលោក Thomas West និងប្រសិតពិសេសសម្រាប់ស្រ្តី កុមារ និងសិទ្ធិមនុស្សអាហ្វហ្គានីស្ថាន លោកស្រី Rina Amiri នឹងធ្វើដំណើរទៅកាន់ទីក្រុង Astana ប្រទេសកាហ្សាក់ស្ថាន និងទីក្រុង Dohaប្រទេសកាតា ចាប់ពីថ្ងៃទី ២៦ ដល់ថ្ងៃទី ៣១ ខែកក្កដា ។

ពួកគេបន្តថា ក្រុមមន្រ្តីសហរដ្ឋអាមេរិក និងជួបពិភាក្សាការងារជាមួយគណៈប្រតិភូតាលីបង់ នៅទីក្រុង Doha ហើយពួកគេនឹងពិភាក្សាលើការគាំទ្រមនុស្សធម៌សម្រាប់អាហ្វហ្គានីស្ថាន បញ្ហាសន្តិសុខ សិទ្ធិនារី ការធ្វើឲ្យស្ថិរភាពសេដ្ឋកិច្ចអាហ្វហ្គានីស្ថាន និងកិច្ចខិតខំប្រយុទ្ធប្រឆាំងនឹងការផលិត និងការជួញដូរគ្រឿងញៀនខុសច្បាប់ ។

គួរឲ្យដឹងថា ក្រុមតាលីបង់ បានវិលត្រឡប់មកកាន់អំណាចវិញនៅឆ្នាំ ២០២១ ពេលដែលអង្គការណាតូ និងកងកម្លាំងសហរដ្ឋអាមេរិក ដកកងទ័ពរបស់ពួកគេចេញមកវិញ ក្រោយជម្លោះរយៈពេល ២០ឆ្នាំ ។ 

The Taliban returned to power in 2021 when NATO and U.S. forces withdrew after a 20-year conflict. 

ការជម្លៀសខ្លួនដ៏វឹកវរ ឃើញប្រជាពលរដ្ឋអាហ្វហ្គានីស្ថានរាប់ម៉ឺននាក់ ព្យាយាមសម្រុកចូលអាកាសធាតុក្រុងកាប៊ុល ហើយនិងឃើញបុរស ព្យាយាមតោងយន្តហោះ ពេលដែលវាបើកយឺតៗលើផ្លូវរត់ ។

លោក Vedant Patelគឺជាអ្នកនាំពាក្យក្រសួងការបរទេសសហរដ្ឋអាមេរិក និយាយថា នេះពុំបង្ហាញពីការផ្លាស់ប្តូរណាមួយលើគោលនយោបាយរបស់សហរដ្ឋអាមេរិកនោះឡើយ ។ ពួកយើងច្បាស់លាស់ខ្លាំងណាស់ ពួកយើងនឹងចូលរួមជាមួយក្រុមតាលីបង់តាមរបៀបដ៏ត្រឹមត្រូវ ពេលដែលវាគឺជាផលប្រយោជន៍របស់ពួកយើង ដែលត្រូវធ្វើបែបហ្នឹង ៕