សារព័ត៌មានផ្កូវការ Ahram បានរាយការណ៍ថា ការលេចធ្លាយឧស្ម័នក្ល នៅស្ថានីយ៍ប្រព្រឹត្តិកម្មបំពង់បង្ហូរទឹកសំអុយ នៅខេត្ត Qena ភាគខាងត្បូងប្រទេសអេហ្ស៊ីប បានបណ្តាលឲ្យស្ត្រីម្នាក់ស្លាប់ និង៨៣នាក់ផ្សេងទៀតរងរបួសកាលពីថ្ងៃព្រហស្បតិ៍។

ការលេចធ្លាយឧស្ម័ន បានកើតឡើង នៅរោងជាងម៉េកានីក នៅក្រុមហ៊ុនអនាម័យនឹងផលិតទឹកពិសា នៅតំបន់ភាគកណ្តាលនៃខេត្ត Qena ។ ឧស្ម័នបានលេចធ្លាយពីបំពង់មួយក្នុងចំណោមបំពង់ផ្ទុកឧស្ម័នជាច្រើន មុនពេលដាក់បំពេញ។

ក្រុមថែទាំ មកពីក្រុមហ៊ុនផលិតទឹក បានគ្រប់គ្រងទប់ស្កាត់ការលេចធ្លាយនេះ។

អ្នករងរបួស ត្រូវបានគេផ្តល់ការសង្គ្រោះបឋមនៅកន្លែងកើតហេតុ ហើយក្រោយមកត្រូវបានផ្ទេរទៅកាន់មន្ទីរពេទ្យ ជាទីដែលពួកគេទទួលបានជំនួយផ្នែកផ្លូវដង្ហើម។ យោងតាមសារព័ត៌មាន Ahram បានឲ្យដឹងថា គ្រប់ករណីទាំងអស់ ត្រូវបានរាយការណ៍ថា មានស្ថិរភាព។