ការប្រើប្រាស់នវានុវត្តន៍បច្ចេកវិទ្យាយានដ្រូន ដើម្បីតាមដានសុខភាពព្រៃជប់ភ្លៀង បានមើលឃើញក្រុមអ្នកវិទ្យាសាស្រ្ត និងក្រុមអ្នកស្រាវជ្រាវមកពីប្រទេសស្វីស ឈានដល់វគ្គផ្តាច់ព្រ័ត្រនៃការប្រកួតប្រជែង XPRIZE Rainforest ដែលជាការប្រកួតប្រជែងបរិស្ថានសកលលោកឈ្នះប្រាក់រង្វាន់ ១០លានដុល្លារ។

ក្រុមអ្នកស្រាវជ្រាវស្វីស បានប្រើប្រាស់យានដ្រូនប្រមូលសំណាក DNA (eDNA) ដោយពុំចាំបាច់ដើរក្នុងព្រៃជប់ភ្លើង។ ក្រោយមកពួកគេបានវិភាគលើទិន្នន័យដែលប្រមូលបាន និងកំណត់អត្តសញ្ញាណរុក្ខជាតិ និងពពួកសត្វរាប់រយប្រភេទ ។

 លោក Kristy Deiner គឺជាសាស្រ្តាចារ្យផ្នែក DNAបរិស្ថាននៅវិទ្យាស្ថានបច្ចេកវិទ្យា ETH Zurich និយាយថា ពួកយើងទាំងអស់បានមកជាមួយគ្នាដើម្បីជួបការប្រកួតប្រជែងធំដែល XPRIZEដាក់ជូនពួកយើងឲ្យអង្កេតព្រៃជប់ភ្លៀងឲ្យបានលឿន ហើយបន្ទាប់មកផ្សព្វផ្សាយការយល់ដឹងទាំងអស់នោះដល់សហគមន៍ទូលំទូលាយ ។

 គួរឲ្យដឹងថា XPRIZE Rainforestគឺជាការប្រកួតប្រជែងសកលលោកដែលមានគោលដោះលើកកម្ព់ការយល់ដឹងរបស់ពួកយើងពីព្រៃជប់ភ្លៀង តាមរយៈការជំរុញដល់ការអភិវឌ្ឍន៍បច្ចេកវិទ្យាតាមដាន វិធានការ និងវាយតម្លៃលើប្រព័ន្ធអេកូឡូស៊ីដ៏ស្មុគស្មាញ ។

 វគ្គពាក់កណ្តាលផ្តាច់ព្រ័ត្រ XPRIZEនៅប្រទេសសិង្ហបុរី បានមើលឃើញ ១៣ក្រុមចូលរួមការប្រកួត ដើម្បីបង្ហាញពីប្រសិទ្ធិភាពនៃបច្ចេកវិទ្យារបស់ពួកគេ ក្នុងនោះរយៈពេល ២៤ម៉ោង ម្រមូលទិន្នន័យ ហើយរយៈពេល ៤៨ម៉ោង វិភាគលើការស្វែងរកឃើញរបស់ពួកគេ រួចចងក្រងជាឯកសារឡើង ៕