ការវាយបករបស់អ៊ុយក្រែន មានការយឺតយ៉ាវបន្តិចបន្តួច ប៉ុន្តែនៅតែរុលទៅមុខឥតឈប់ឈរ ក្នុងការរំដោះដែនដីដែលគ្រប់គ្រងដោយកងកម្លាំងរុស្ស៊ី។យោងតាមការអះអាងរបស់ទីប្រឹក្សារដ្ឋមន្រ្តីក្រសួងការពារជាតិអ៊ុយក្រែន បានឲ្យដឹងថា ឧបសគ្គមួយក្នុងចំណោមឧបសគ្គធំៗបំផុត ដែលកងកម្លាំងទីក្រុងគីវប្រឈម គឺចម្ការមីន ។

អ្នកបោសសម្អាតមីនអ៊ុយក្រែនម្នាក់ ដែលទៅតាមសញ្ញា "Adam's Apple"បង្ហាញហេតុផលដែលការរុលទៅមុខមានការយឺតយ៉ាវ ។ លោកប្រើប្រាស់នូវមធ្យោបាយមួយដែលលោកហៅថាជាការសង្កេតមីន ដើម្បីស្វែងរកប្រភេទគ្រាប់ផ្ទុះដែលអាចធ្វើឲ្យមានពិការភាព ឬសម្លាប់ជនរួមជាតិរបស់លោក ។ ស្លាកលើឯកសណ្ឋានរបស់លោកសរសេរថា “មិនត្រូវមានកំហុសជាដាច់ខាត” ។

លោក Oleksandr ដែលជាគ្រូបង្វឹកកម្ចាត់គ្រាប់មីន និយាយថាសង្រ្គាមមានន័យស្មើចង្កឹះស្តើងតួចមួយ ជាឧបករណ៍ល្អបំផុតសម្រាប់ភារកិច្ចដ៏គ្រោះថ្នាក់ និងចាំបាច់មួយនេះ ។

លោកនិយាយថា នៅទូទាំងសមរភូមិមុខ វាលត្រូវបានគ្របដណ្តប់ទាំងស្រុងដោយគ្រាប់មីន ។ យើងមិនអាចប្រើប្រាស់ឧបករណ៍រាវមីនបាននោះទេ ដោយសារតែតំបន់ទាំងមូល គ្របដណ្តប់ដោយអំបែងគ្រាប់ ។ វាល និងព្រៃឈើ គ្រប់ដណ្តប់ដោយអំបែងគ្រាប់ ។ អ្នកដោះមីន ត្រូវតែប្រើប្រាស់ការអង្កេតគ្រាប់មីន និងបំលាស់ទីទៅមុខយឺតៗ ។

លោកបានបង្ហាញស្បែកជើងពិសេសពាក់សម្រាប់ជួយសង្រ្គោះជើងរបស់ពួកគេ បើសិនជាពួកគេជាន់មីនប្រឆាំងមនុស្សដោយចៃដន្យ ៕