តិចសាស់ ៖ សារព័ត៌មានរ៉យទ័រ បានថតវីដេអូដោយយានដ្រូនអំពីជនអន្តោប្រវេសន៍នៅជិតទីក្រុង Eagle Pass រដ្ឋតិចសាស់ កំពុងដើរឆ្លងកាត់របាំងបណ្តែតទឹកដែលដំឡើងដោយរដ្ឋនេះដើម្បីរារាំងពួកគេមិនឱ្យឆ្លងកាត់ ពីទីក្រុង Rio Grande មកកាន់សហរដ្ឋអាមេរិក។ រូបភាពនេះកើតឡើងត្រឹមតែប៉ុន្មានថ្ងៃ បន្ទាប់ពីក្រសួងយុត្តិធម៌សហរដ្ឋអាមេរិក បានប្តឹងរដ្ឋតិចសាស់អំពីការដាក់ពង្រាយខ្សែពោង ជាផ្នែកនៃគំនិតផ្តួចផ្តើមរបស់អភិបាលរដ្ឋគណបក្សសាធារណរដ្ឋ លោក Greg Abbott ដើម្បីរារាំងជនអន្តោប្រវេសន៍មិនឱ្យចូលមកក្នុងសហរដ្ឋអាមេរិកដែលគំនិតផ្តួចផ្តើមនេះឈ្មោះថា Operation Lone Star ។

នៅក្នុងឃ្លីបវីដេអូ ជនអន្តោប្រវេសន៍អាចត្រូវបានគេមើលឃើញកំពុងជួយគ្នាដើរឆ្លងកាត់ខ្សែបន្លាលួស ខណៈ អ្នកផ្សេងទៀតដើរឆ្លងទន្លេដែលមានរបាំងពោងបណ្តែតទឹក។ បណ្តឹងរបស់ក្រសួងយុត្តិធម៌ ដែលបានប្តឹងកាលពីថ្ងៃចន្ទ ព្យាយាមឲ្យដកចេញនូវរចនាសម្ព័ន្ធ និងការរារាំងទាំងអស់ រួមមានទាំងរបាំងបណ្តែតទឹក និងហេដ្ឋារចនាសម្ព័ន្ធទាំងអស់ដែលទាក់ទងនឹងរបាំងបណ្តែតទឹក នៅក្នុងទន្លេ Rio Grande។ កាលពីថ្ងៃអង្គារ ប្រធានាធិបតីម៉ិកស៊ិក លោក Andres Manuel Lopez Obrador បានស្វាគមន៍ចំពោះបណ្តឹងនេះ និងបាននិយាយថា លោក Abbott កំពុងមានចំណាត់ការដោយមិនទទួលខុសត្រូវ។

យើងសូមអរគុណយ៉ាងខ្លាំងចំពោះប្រធានាធិបតី លោក Joe Biden ដែលបានដាក់ពាក្យបណ្តឹងលើអភិបាលរដ្ឋតិចសាស់ ដែលបានដំឡើងរបាំងពោង និងរបងលួសទាំងនេះនៅទន្លេ Rio Grande។ បន្ថែមលើរបាំងអណ្តែតទឹកនេះ គំនិតផ្តួចផ្តើម Operation Lone Star របស់លោក Abbott រួមទាំងការដាក់ពង្រាយកងឆ្មាំជាតិរាប់ពាន់នាក់និងយុទ្ធនាការដើម្បីដឹកជនអន្តោប្រវេសន៍ទៅកាន់ទីក្រុងដែលដឹកនាំដោយក្រុមប្រជាធិបតេយ្យនៅភាគខាងជើង។ ទន្ទឹមនឹងនេះ ចំនួនជនអន្តោប្រវេសន៍ដែលត្រូវបានចាប់ខ្លួន ឆ្លងកាត់នៅព្រំដែនអាមេរិក-ម៉ិកស៊ិក ដោយខុសច្បាប់បានធ្លាក់ចុះចាប់តាំងពីលោក Biden បានអនុវត្តគោលនយោបាយសុំសិទ្ធិជ្រកកោនថ្មីដែលមានការរឹតត្បិតកាលពីខែឧសភា។