ចិន ៖ ប្រទេសចិន បានឲ្យដឹងនៅថ្ងៃសៅរ៍ទី ២៩ ខែកក្កដា នេះ ថា មនុស្សជាង ៨០០.០០០ នាក់នៅក្នុងខេត្ត ហ្វូចៀន (Fujian) ត្រូវបានរងផលប៉ះពាល់ដោយព្យុះកំណាច Doksuri ដែលជាព្យុះដ៏ខ្លាំងបំផុតមួយ បានវាយប្រហារប្រទេសនេះ ក្នុងរយៈពេលជាច្រើនឆ្នាំ។

ទីមក្រុងហ្វូចូវ ( Fuzhou) បានផ្អាកសេវាកម្មរថភ្លើងក្រោមដីនៅព្រឹកថ្ងៃសៅរ៍នេះ ខណៈដែលស្ថានីយរថភ្លើងក្រោមដី នៅតែលិចទឹក។ ក្រុមសង្កេតការណ៍ទីក្រុង បានរាយការណ៍ពីកំណត់ត្រាទឹកភ្លៀងប្រចាំថ្ងៃ ២៥៦,៦ មីល្លីម៉ែត្រ (១០,១០ អ៊ីញ) ។

វីដេអូពីប្រព័ន្ធផ្សព្វផ្សាយរដ្ឋ CCTV បានបង្ហាញថា ក្រុមអ្នកជួយសង្គ្រោះ បានធ្វើការពេញមួយយប់នាំយក មនុស្សទៅកាន់ទីសុវត្ថិភាពចេញពីផ្ទះដែលលិចទឹករបស់ពួកគេ។ តំបន់នៅភាគពាយ័ព្យទីក្រុងជីណាន (Jinan) របស់ប្រទេសចិន ក៏រងការវាយប្រហារដោយទឹកជំនន់ ដែលបណ្តាលមកពីព្យុះទីហ្វុងដែលបានបោកបក់ចូលដល់ដីគោ។

ដោយបោកបក់ទៅភាគពាយព្យ និងចូលដល់ដីគោកកាន់តែជ្រៅ ព្យុះនេះផ្តោតសំដៅទៅទីក្រុងជីវជាំង (Jiujiang) ក្នុងខេត្តជាំងស៊ី (Jiangxi)ភាគខាងត្បូង ហើយកំពុងបាត់បង់កម្លាំង នៅព្រឹកថ្ងៃសៅរ៍។ វាត្រូវបានគេព្យាករថា នឹងផ្លាស់ទីទៅក្នុងខេត្ត Anhui ដោយបង្កើតកម្លាំងខ្យល់ ៣០ គីឡូម៉ែត្រក្នុងមួយម៉ោង (២០ម៉ាយក្នុងមួយម៉ោង)ខណៈដែលវាចុះខ្សោយ។