ព័ត៌មានបឋមបានឱ្យដឹងថា សមត្ថកិច្ចរកឃើញសាកសពយុវនារី២នាក់ ស្លាប់ក្នុងតង់នៅទឹកធ្លាក់ឱម៉ាល់ ស្ថិតក្នុងឃុំម៉ាក់ប្រាង ស្រុកទឹកឈូ ខេត្តកំពត។

ហេតុការណ៍គ្រោះថ្នាក់នេះ កើតឡើងលើក្រុមយុវជនដែលមានគ្នា៣នាក់ (ស្រី២ ប្រុស១) បានទៅបោះតង់លេងកម្សាន្តជាមួយនឹងធម្មជាតិ ស្ដាប់សំឡេងទឹកធ្លាក់នៅទឹកធ្លាក់ឱម៉ាល់ ដែលជាផ្នែកមួយនៃភ្នំបូកគោ។

ចៃដន្យអាក្រក់យប់ថ្ងៃទី ២៩ ខែកក្កដា ជាយប់ដែលពួកគេបានបោះតង់ ក៏មានភ្លៀងធំ និងខ្យល់បក់ខ្លាំង បណ្ដាលឱ្យបាក់ខ្ចុះដែលបោះតង់ និងបានគួចយកតង់របស់ពួកគេទម្លាក់ចូលក្នុងជ្រោះ បណ្ដាលឱ្យនារី២ នាក់ស្លាប់នៅក្នុងតង់តែម្ដង។ ចំណែក បុរសម្នាក់ ដែលជាគ្នីគ្នា ត្រូវសមត្ថកិច្ចរកឃើញនាថ្ងៃទី ៣០ ខែកក្កដា ឆ្នាំ ២០២៣ នេះថានៅមានជីវិត។

សូមប្រុងប្រយ័ត្នឱ្យបានខ្ពស់បំផុតក្នុងដំណើរកម្សន្តបែបផ្សងព្រង និងត្រូវមើលអាកាសធាតុឱ្យបានជាក់ច្បាស់មុននឹងសម្រេចចិត្តទៅបោះតង់ ជាពិសេសការបោះតង់នៅតាមជ្រលងភ្នំ ព្រោះហានីភ័យអាចកើតមានគ្រប់ពេលវេលា។