រុស្ស៊ី៖ មនុស្សយ៉ាងហោចណាស់៦នាក់ រួមទាំងក្មេងស្រីអាយុ១០ឆ្នាំនិងម្ដាយរបស់នាង បានស្លាប់ដោយសារការវាយប្រហារដោយមីស៊ីលរបស់រុស្ស៊ីលើទីក្រុង គ្រីវីរី (Kryvyi Rih)របស់អ៊ុយក្រែន។  

រដ្ឋមន្ត្រីក្រសួងមហាផ្ទៃរបស់អ៊ុយក្រែន បាននិយាយថា មនុស្សចំនួន៦៩នាក់បានរងរបួសនៅពេលមីស៊ីលជាច្រើនគ្រាប់បានវាយប្រហារលើអគារខ្ពស់មួយនិងសាកលវិទ្យាល័យមួយកន្លែងកាលពីថ្ងៃចន្ទ។ 

អភិបាលតំបន់ លោក ស៊ើហ៊ី លីសាក់(Serhiy Lysak) បានប្រកាសកាន់ទុក្ខរយៈពេលមួយថ្ងៃសម្រាប់អ្នកបាត់បង់ជីវិត។ 

ក្រុងកំណើតរបស់លោកប្រធានាធិបតី Volodymyr Zelensky ស្ថិតក្នុងទីក្រុង គ្រីវីរី  គឺជាគោលដៅមិនផ្លាស់ប្ដូរសម្រាប់ការវាយប្រហារទាំងឡាយពីសំណាក់កងកម្លាំងរុស្ស៊ី។ 

កាលពីខែមិថុនា មនុស្ស១១នាក់បានស្លាប់ និង២៨នាក់ផ្សេងទៀតបានរងរបួស នៅក្នុងទីក្រុងមួយនេះ បន្ទាប់ពីរុស្ស៊ី បើកការវាយប្រហារដោយមីស៊ីលដ៏ច្រើនសន្ធាប់លើអគារលំនៅឋានរបស់ជនស៊ីវិល។

ការវាយប្រហារចុងក្រោយបំផុត គេបានមើលឃើញមនុស្សជាច្រើនត្រូវបានបញ្ជូនទៅកាន់មន្ទីរពេទ្យ រួមទាំងកុមារ អាយុចាប់ពី៤ឆ្នាំដល់ ដល់១៧ឆ្នាំ។ 

លោក Zelensky ដែលបានធំធាត់នៅក្នុងទីក្រុងដែលមានប្រជាជនប្រមាណ ៦០ម៉ឺននាក់ រស់នៅ បាននិយាយថាមីស៊ីលចំនួន២គ្រាប់ បានធ្លាក់ចំប្លុកអគារអឹផាតមិនរបស់ប្រជាពលរដ្ឋ និងអគារសាកលវិទ្យាល័យមួយកាលពីព្រឹកថ្ងៃចន្ទ៕