​

អ្នកការទូតជាន់ខ្ពស់ មកពីសហរដ្ឋអាមេរិក និងប្រទេសចិន បានជួបនិងពិភាក្សាគ្នានូវបញ្ហាជាបន្តបន្ទាប់ ដោយរួមទាំងលទ្ធភាពដំណើរទស្សនកិច្ចទៅកាន់សហរដ្ឋអាមេរិកដោយរដ្ឋមន្ត្រីការបរទេសចិនថ្មី លោក Wang Yi។ ក្រសួងការបរទេសសហរដ្ឋអាមេរិក បានប្រកាសថា ឧបការីរដ្ឋមន្ត្រីការបរទេសទទួលបន្ទុកកិច្ចការតំបន់អាស៊ីខាងកើតនិងប៉ាស៊ីហ្វិក លោក Daniel Kritenbrink បានជួបប្រធាននាយកដ្ឋានកិច្ចការទ្វីបអូសេអានី និងអាមេរិកខាងជើងរបស់ក្រសួងការបរទេសចិន លោក Yang Tao( យ៉ាង ថាវ) ក្នុងទីក្រុងវ៉ាស៊ីងតោន កាលពីថ្ងៃចន្ទ។ 

សេចក្តីប្រកាសព័ត៌មានរបស់ក្រសួងនេះ បាននិយាយអំពីការពិភាក្សារបស់ពួកគេជាផ្នែកនៃកិច្ចប្រឹងប្រែងដែលកំពុងបន្ត ដើម្បីរក្សាការបើកច្រកប្រាស្រ័យទាក់ទង និងគ្រប់គ្រងទំនាក់ទំនងទ្វេភាគីដោយការទទួលខុសត្រូវ។ ភាគីទាំងពីរត្រូវបានគេនិយាយថា បានផ្លាស់ប្តូរទស្សនៈស្តីពីបញ្ហាទ្វេភាគី ប្រចាំតំបន់ និងពិភពលោក រួមទាំងបញ្ហាទាំងឡាយពាក់ព័ន្ធនឹងប្រទេសអ៊ុយក្រែន និងកោះតៃវ៉ាន់។

នៅពេលដែលរដ្ឋមន្ត្រីការបរទេសអាមេរិក លោក Antony Blinken បានធ្វើទស្សនកិច្ចនៅទីក្រុងប៉េកាំងកាលពីខែមិថុនា លោកបានព្រមព្រៀងទទួលយកដំណើរទស្សនកិច្ចដោយលោកឈីន ហ្គាង (Qin Gang) រដ្ឋមន្ត្រីការបរទេសចិនទៅកាន់ទីក្រុងវ៉ាស៊ីនតោន។ ប៉ុន្តែលោក ឈីន ត្រូវបានផ្លាស់ប្តូរចេញពីតំណែងរបស់លោកកាលខែកក្កដា។ អ្នកបន្តតំណែងពីលោក ឈីន គឺលោក Wang Yi ដែលជាសមាជិកការិយាល័យនយោបាយបក្សកុម្មុយនីស ទទួលបន្ទុកផ្នែកការទូត បានបន្តជាថ្មីម្តងទៀតនូវតំណែងរដ្ឋមន្ត្រីការបរទេស។ ដូច្នេះហើយ លោក Kritenbrink និងលោក Wang អាចមានការរៀបចំសម្រាប់ដំណើរទស្សនកិច្ចរបស់លោក Wang ទៅកាន់សហរដ្ឋអាមរិក។ លោក Blinken បានបង្ហាញពីភាពអន្ទះសារសម្រាប់កិច្ចសន្ទនាជាមួយប្រទេសចិនដើម្បីធ្វើឲ្យមានស្ថិរភាពទំនាក់ទំនងទ្វេភាគី។