បេឡារុស៖ ទីភ្នាក់ងារសារព័ត៌មានរដ្ឋបេឡារុស BELTA បានរាយការណ៍កាលពីថ្ងៃទី១ ខែសីហាថា មេដឹកនាំផ្តាច់ការនៃប្រទេសបេឡារុស លោកអាឡិចសាន់ឌឺ លូកាសិនកូ (Alexander Lukashenko) បាននិយាយថា លោកគ្រាន់តែ«និយាយលេង» នៅពេលដែលបានលើកឡើងថា ក្រុមទាហានស៊ីឈ្នួលឯកជន Wagner Group (PMC) ទទូចចង់ឈ្លានពានប្រទេសប៉ូឡូញ។

លោកលូកាសិនកូ ធ្លាប់បានលើកឡើងពីការព្រួយបារម្ភក្នុងអំឡុងពេលជួបជាមួយមេដឹកនាំផ្តាច់ការរុស្ស៊ី លោក វ្ល៉ាឌីមៀ ពូទីន ដោយចោទប្រកាន់ថា យុទ្ធជន Wagner ធ្វើឲ្យលោកព្រួយបារម្ភ ដោយសារតែផែនការដែលរំពឹងទុករបស់ពួកគេ ដើម្បីវាយប្រហារប៉ូឡូញ។

យោងតាមសារព័ត៌មានBELTA លោក លូកាសិនកូ បាននិយាយថា លោកបាន និយាយលេងថា ទាហានស៊ីឈ្នួល Wagner កំពុងខ្សឹបខ្សៀវគ្នាថា តោះយើងទៅមើលទេសភាពទីក្រុងរ៉េហ៊្សូវ ( Rzeszów)[ប្រទេសប៉ូឡូញ]៕