នាយទាហានសេនាធិការជាន់ខ្ពស់កម្ពុជា-ថៃ នៅព្រឹកថ្ងៃទី៣ ខែសីហា ឆ្នាំ២០២៣នេះ បាន​បើក​កិច្ច​ប្រជុំ​លើកទី៧ របស់ខ្លួន ដើម្បីពិភាក្សាលើកិច្ចការមួយចំនួន ដែលពាក់​ព័ន្ធ​ដល់​កិច្ច​សហ​ប្រតិបត្តិការ​ផ្នែក​អប់រំ និងហ្វឹកហ្វឺនបណ្តុះបណ្តាល, ការផ្លាស់ប្តូរទស្សនកិច្ច រវាងទ័ពកម្ពុជា និងថៃ, កិច្ចសហប្រតិបត្តិការផ្លាស់ប្ដូរចារកិច្ច. កិច្ចសហប្រតិបត្តិការរក្សាសន្តិភាព, កិច្ច​សហ​ប្រតិបត្តិការ​លើ​គម្រោងបណ្ដុះបណ្ដាលផ្នែកកសិកម្ម, កិច្ចសហប្រតិបត្តិការ រវាងគ្រប់ប្រភេទទ័ព, យន្តការ​កិច្ច​ប្រជុំថ្នាក់នាយទាហានជាន់ខ្ពស់ កិច្ចសហប្រតិបត្តិការដោះមីនមនុស្សធម៌ និងបញ្ហា​ផ្សេង​ៗ​ទៀត​នៅតាមបណ្តោយព្រំដែនប្រទេសទាំងពីរ។

កិច្ចប្រជុំលើកទី៧ ដែលកម្ពុជាធ្វើជាម្ចាស់ផ្ទះនេះ ភាគីកម្ពុជា ដឹកនាំដោយនាយឧត្តមសេនីយ៍ ឥត សារ៉ាត់ អគ្គមេបញ្ជាការរងនៃកងយោធធលខេមរភូមិន្ទ និងជានាយ សេនាធិការចម្រុះ ខណៈ​ភាគី​ថៃ​ដឹក​នាំ​ដោយនាយឧត្តមសេនីយ៍ Thitichai Tiantong នា​យ​សេនាធិការ​ចម្រុះ​របស់​កង​ទ័ព​ភូមិន្ទ​ថៃហើ​យ​កិច្ចប្រជុំនេះធ្វើឡើងនៅក្នុងសណ្ឋាគារ Sun and Moonរាជធានីភ្នំពេញ៕