អាមេរិក ៖ លោក Matthew Millerគឺជាអ្នកនាំពាក្យក្រសួងការបរទេសសហរដ្ឋអាមេរិក និយាយថា កម្មវិធីជំនួយរបស់សហរដ្ឋអាមេរិកដល់រដ្ឋាភិបាលនីហ៊្សេ ដែលត្រូវបានផ្អាកដោយសាររដ្ឋប្រហារយោធានៅក្នុងប្រទេសមួយនេះ មានតម្លៃជាង ១០០លានដុល្លារ ។ កម្មវិធីនេះ រួមបញ្ចូលទាំងជំនួយអភិវឌ្ឍន៍ ជំនួយសន្តិសុខ និងជំនួយពង្រឹងច្បាប់ ។ 

លោក Millerនិយាយនៅក្នុងសន្តិសីទសារព័ត៌មានថា ជំនួយសហរដ្ឋអាមេរិកសរុបរាប់លាននាក់ នឹងត្រូវបាត់បង់ បើសិនជារបបសឹកនៅក្នុងប្រទេសនីហ៊្សេ មិនលើកបន្តុបរដ្ឋាភិបាលឈ្នះឆ្នោតទេនោះ ។ 

លោកបន្តថា បង្អួចឱកាសពិតជានៅបើក ។ ពួកយើងមានជំនឿថា របបសឹកគួរតែដកខ្លួន ហើយអនុញ្ញាតឲ្យលោកប្រធានាធិបតី Bazoumបន្តភារកិច្ចរបស់លោកឡើងវិញនៅថ្ងៃស្អែក ថ្ងៃនេះ ឬថ្ងៃស្អែក ពេលណាមួយនៅក្នុងពេលអនាគតខាងមុខនេះ ។  

លោកថា លោកមិនចង់ដាក់ការវាយតម្លៃនោះទេ នៅពេលដែលបង្អួចបានបិទទៅហើយ ជាជាងនិយាយថា ការប្រើប្រាស់លទ្ធិប្រជាធិបតេយ្យដើម្បីសម្រេចគោលដៅ គឺជាអាទិភាពកំពូលរបស់ពួកយើង ជាមួយនឹងការគោរពដល់ប្រទេសនីហ៊្សេ ហើយពួកយើងនឹងបន្តផ្តល់ជំនួយ ។ 

លោក Millerបញ្ជាក់ទៀតថា មាននូវការប្រាស្រ័យទាក់ទងដោយផ្ទាល់ជាមួយក្រុមមេដឹកនាំយោធា ។ លោកមិននិយាយពីកម្រិតនៃជំនួប ឬជំនួបជាមួយនរណានោះទេ ប៉ុន្តែមាននូវការទាក់ទងដោយផ្ទាល់ជាមួយក្រុមមេដឹកនាំយោធា ដោយជំរុញឲ្យពួកគេដកខ្លួន ៕