ក្រុមអាជ្ញាធរ បាននិយាយថា ប្រទេសម៉ិកស៊ិក បានបិទឱសថស្ថានចំនួន ២៣កន្លែង នៅឯរមណីយដ្ឋានឆ្នេរសមុទ្រការ៉ាអ៊ីប ៥ខែ បន្ទាប់ពីរបាយការណ៍ស្រាវជ្រាវមួយ បានព្រមានថា ហាងលក់ថ្នាំនៅប្រទេសនេះ កំពុងផ្តល់ថ្នាំគ្រាប់ដល់ជនបរទេសដែលឈឺដូចជាថ្នាំ Oxycodone, Percocet និង Adderall ដោយគ្មានវេជ្ជបញ្ជា។

ការវាយឆ្មក់ចូលត្រួតពិនិត្យរយៈពេល៤ថ្ងៃ បានកំណត់គោលដៅលើហាងលក់ថ្នាំក្នុងទីក្រុងកានគុន( Cancun), ភ្លេយ៉ា ដែល ការម៉ែន (Playa del Carmen) និង ទុលុម (Tulum)។

កាលពីខែមីនា ក្រសួងការបរទេសសហរដ្ឋអាមេរិក បានចេញការព្រមានអំពីដំណើរការលក់ថ្នាំគ្រាប់បែបនេះ ហើយការអនុវត្តហាក់នេះដូចជារីករាលដាលខ្លាំង។

នាយកដ្ឋានកងទ័ពជើងទឹក បាននិយាយកាលពីថ្ងៃអង្គារថា ការលក់ខុសប្រក្រតី ត្រូវបានរកឃើញនៅហាងឱសថចំនួន២៣ក្នុងចំណោម ៥៥ដែលត្រូវបានត្រួតពិនិត្យ។

កងទ័ពជើងទឹក បាននិយាយថា ឱសថស្ថានជាធម្មតាផ្តល់ថ្នាំគ្រាប់ដល់ភ្ញៀវទេសចរតែប៉ុណ្ណោះ ហើយហាងលក់ថ្នាំ បានផ្សព្វផ្សាយថ្នាំគ្រាប់បែបនេះ ហើយថែមទាំងផ្តល់សេវាដឹកជញ្ជូនដល់ផ្ទះសម្រាប់ពួកគេទៀតផង។