គូប្រជែងរាប់រយនាក់របស់ប្រធានាធិបតីបេឡារុស លោក Alexander Lukashenko បានដើរដង្ហែឆ្លងកាត់រដ្ឋធានីវ៉ាសូវីរបស់ប្រទេសប៉ូឡូញ កាលពីថ្ងៃពុធ (ទី៩ ខែសីហា) ដើម្បីប្រារព្ធខួបលើកទី៣ នៃការប៉ុនប៉ងមិនបានសម្រេចរបស់ពួកគេ ដើម្បីយកអំណាចពីមេដឹកនាំប្រទេសរបស់ខ្លួន នៅក្នុងការបោះឆ្នោតដែលពួកគេនិយាយថា រៀបចំដោយក្លែងបន្លំ។

មានការតវ៉ាកើតឡើង ដែលបានអូសបន្លាយអស់ជាច្រើនខែ បន្ទាប់ពីលោក Lukashenko បានទទួលជ័យជម្នះក្នុងការបោះឆ្នោតប្រធានាធិបតី កាលពីថ្ងៃទី៩ ខែសីហា ឆ្នាំ២០២០។ កងកម្លាំងសន្តិសុខរបស់លោក Lukashenko បានបង្រ្កាបយ៉ាងហិង្សាលើការតវ៉ា ដោយបង្កឲ្យកើតមានជនភៀសខ្លួនបេឡារុសជាច្រើននាក់ ដែលភាគច្រើនបានមកតាំងទីលំនៅ នៅប្រទេសជិតខាងប៉ូឡូញ។

ដោយបង្កើតឡើង ក្នុងខែសីហា ឆ្នាំ២០២២ ដោយគូប្រជែងរបស់លោក Lukashenko នៅក្នុងការបោះឆ្នោតនោះ សកម្មជននយោបាយ លោកស្រី Sviatlana Tsikhanouskaya ដែលជារដ្ឋាភិបាលនិរទេសប្រកាសដោយខ្លួនឯងរបស់បេឡារុស បានបើកស្ថានទូត និងមជ្ឈមណ្ឌលព័ត៌មានជំនួសជាង ២០កន្លែង នៅបរទេស។

ទោះបីជាពេលនេះក្រុមប្រឆាំង បានបង្រួបបង្រួមគ្នា ដោយសារមានកំហឹងចំពោះការគ្រប់គ្រងរបស់លោក Lukashenko ក៏ដោយ ក៏ពួកគេនៅមានគំនិតខ្វែងគ្នាពាក់ព័ន្ធនឹងយុទ្ធសាស្ត្រ ដោយអ្នកខ្លះនិយាយថា វាដល់ពេលហើយដែលត្រូវធ្វើបន្ថែមទៀត ដើម្បីរៀបចំឲ្យមានការតស៊ូប្រដាប់អាវុធ៕