កងកម្លាំងអ៊ុយក្រែន បានធ្វើការវាយឆ្មក់ដោយកងកម្លាំងពិសេសដ៏ក្លាហានឆ្លងកាត់ទន្លេ Dnipro ដោយបានចាប់ខ្លួននិងសម្លាប់កងទ័ពរុស្ស៊ីរាប់សិបនាក់ នៅក្នុងការរុលទៅមុខ។ កងទ័ពបានមកដល់ «ត្រើយទន្លេខាងឆ្វេង» ដែលគ្រប់គ្រងដោយរុស្ស៊ី តាមទូកតូចៗក្នុងពេលងងឹត។ តាមការអះអាងដោយវីដេអូពីការវាយលុក ត្រូវបានបង្ហាញ។

បណ្តា្តញតេឡេក្រាមគាំទ្ររុស៊ី បានរាយការណ៍ថា កងទ័ពអ៊ុយក្រែនជាង៥០នាក់ បានបន្តវាយប្រហារពីទិសខាងលិចតំបន់លំនៅឋាន Kozachi Lageri មានចម្ងាយប្រមាណ២ម៉ាយខាងត្បូងត្រើយទន្លេ Dnipro។ ប្រភពជាច្រើន បាននិយាយថា កងកម្លាំងទីក្រុងគីវ បានបំបែកឆ្លងកាត់ខ្សែបន្ទាត់ការពាររបស់រុស្ស៊ីនៅតំបន់ជិតភូមិដែលស្ថិតនៅចម្ងាយស្មើរគ្នារវាងទីក្រុង Kherson និងទំនប់ Nova Kakhovka។ 

រុស្ស៊ីបានគ្រប់គ្រង ត្រើយទន្លេខាងឆ្វេងនៅទន្លេ Dnipro ដែលបែងចែកអ៊ុយក្រែនជាពីរ ចាប់តាំងពីថ្ងៃដំបូងនៃការវាយលុកទ្រង់ទ្រាយពេញលេញ។

តាមសេចក្តីរាយការណ៍ ការរុលចូលជាក់ស្តែងបានកើតឡើង អំឡុងពេល មានការប្តូរវេនកងទ័ព ខណៈអ្នកប្រយុទ្ធដែលមានបទពិសោធន៍ច្រើន ត្រូវបានដកចេញពីតំបន់ដើម្បីគាំទ្រការការពាររបស់រុស្ស៊ី នៅក្នុងតំបន់ Zaporizhzhia និងតំបន់ Donbas ។