រុស្ស៊ី ៖ កាលពីថ្ងៃសុក្រ រុស្ស៊ី បាននិយាយថា ខ្លួនបានធ្វើឱ្យប្រសើរឡើងនូវទីតាំងប្រយុទ្ធរបស់ខ្លួននៅជុំវិញទីក្រុង Kupiansk ភាគឦសានប្រទេសអ៊ុយក្រែន ជាកន្លែងដែលការរុលចូលទៅមុខរបស់ខ្លួនបានជំរុញឱ្យមន្ត្រីអ៊ុយក្រែនជម្លៀសប្រជាជនចេញ។ ទីក្រុងមូស្គូ បានបាញ់មីស៊ីលល្បឿនលឿនជាងសំឡេងនៅភាគខាងលិចអ៊ុយក្រែនដោយបានបណ្តាលឲ្យក្មេងប្រុសអាយុប្រាំបីឆ្នាំម្នាក់ស្លាប់នៅក្នុងផ្នែកមួយរបស់ប្រទេសដែលភាគច្រើនរួចផុតពីការវាយប្រហារ។ ក្រុង Kupiansk និងតំបន់ជុំវិញនៃតំបន់ Kharkiv ភាគឦសានត្រូវបានដណ្តើមយកមកវិញដោយកងកម្លាំងរបស់ទីក្រុង Kyiv កាលពីខែកញ្ញាឆ្នាំមុន ប៉ុន្តែទីក្រុងមូស្គូបានវាយរុញច្រាន ដោយបង្ខំឱ្យអ៊ុយក្រែនចេញបញ្ជាការជម្លៀសជនស៊ីវិល។

យោងតាមក្រសួងការពារជាតិរបស់ទីក្រុងមូស្គូបានឲ្យដឹងថា អង្គភាពរុស្ស៊ីបានបន្តប្រតិបត្តិការវាយលុកនៅសមរភូមិមុខដ៏ធំទូលាយ និងធ្វើឱ្យស្ថានភាពយុទ្ធសាស្ត្រប្រសើរឡើង នៅក្នុងទីក្រុង Vilshana និង ទីក្រុង ភឺសូត្រាវណេវ៉េ(Pershotravneve) ភាគខាងកើតក្រុង Kupiansk ។ លោក សឺហ្គីវ ឈឺរ៉េវ៉ាទី(Sergiy Cherevaty) អ្នកនាំពាក្យកងកម្លាំងភាគខាងកើតរបស់អ៊ុយក្រែន បាននិយាយថា ស្ថានភាពនៅជុំវិញទីក្រុងមានការលំបាក ដោយទទួលឥទ្ធិពលពីក្រុមសត្រូវ ប៉ុន្តែត្រូវបានគ្រប់គ្រង។ មន្ត្រីអ៊ុយក្រែននៅក្រុង Kupiansk កាលពីថ្ងៃព្រហស្បតិ៍បានជំរុញឱ្យពលរដ្ឋនៅក្នុងតំបន់លំនៅឋានចំនួន៣៧កន្លែង ដែលស្ថិតនៅចន្លោះទីក្រុង និងខ្សែបន្ទាត់របស់រុស្ស៊ី ឱ្យជម្លៀសទៅកាន់ទីក្រុង Kharkiv ចម្ងាយប្រហែល ៩០ គីឡូម៉ែត្រភាគខាងលិច ដែលពួកគេនឹងមានជម្រើសដើម្បីផ្លាស់ទីទៅកាន់តំបន់ដែលមានសុវត្ថិភាពជាងនេះ។

ការជំរុញរបស់រុស្ស៊ីនៅក្រុង Kupiansk បានព្យាយាមបណ្តេញកងកម្លាំងអ៊ុយក្រែនចេញឆ្ងាយពីការវាយលុករបស់ទីក្រុងគីវ។ អ៊ុយក្រែនបានចាប់ផ្តើមការជំរុញដែលរំពឹងទុកខ្ពស់របស់ខ្លួនក្នុងខែមិថុនា បន្ទាប់ពីទទួលបានស្តុកសព្វាវុធរបស់ប្រទេសលោកខាងលិច ប៉ុន្តែបានតស៊ូក្នុងការរុលទៅមុខដោយប្រឈមការតស៊ូរបស់រុស្ស៊ីដ៏រឹងមាំ។