ចិន ៖ ទីភ្នាក់ងារព័ត៌មានចិនស៊ីនហួ បាននិយាយនៅថ្ងៃសៅរ៍ថា រដ្ឋមន្ត្រីការបរទេសចិន លោក វ៉ាង យី (Wang Yi) បានជំរុញប្រទេសហ្វីលីពីនឲ្យធ្វើការជាមួយប្រទេសចិន ដើម្បីស្វែងរកមធ្យោបាយដ៏មានប្រសិទ្ធភាពមួយ ដើម្បីបន្ធូរបន្ថយភាពតានតឹងនៅក្នុងសមុទ្រចិនខាងត្បូង។

ការអត្ថាធិប្បាយនេះ កើតឡើងចំពេលមានភាពតានតឹងកើនឡើងរវាងប្រទេសទាំងពីរជុំវិញទីតាំងនៃនាវាចម្បាំងដែលមានមូលដ្ឋានលើគោកដែលបម្រើជាប៉ុស្តិ៍យោធា នៅសមុទ្រចិនខាងត្បូង។

ការអត្ថាធិប្បាយនេះដែរ ត្រូវបានធ្វើឡើងដោយលោកវ៉ាងក្នុងអំឡុងពេលដំណើរទស្សនកិច្ចទៅកាន់ប្រទេសសិង្ហបុរី និងម៉ាឡេស៊ី ដែលបានធ្វើឡើង កាលពីថ្ងៃព្រហស្បតិ៍ និងថ្ងៃសុក្រ។

ស៊ីនហួ បានរាយការណ៍អំពីលោកវ៉ាង ដោយនិយាយថា ប្រទេសចិន បានបង្ហាញពីឆន្ទៈរបស់ខ្លួនម្តងហើយម្តងទៀតក្នុងការដោះស្រាយការខ្វែងគំនិតជាមួយហ្វីលីពីនតាមរយៈការសន្ទនាទ្វេភាគី ដោយសង្ឃឹមថា ភាគីហ្វីលីពីន នឹងគោរពតាមការឯកភាពដែលសម្រេចបាននាពេលកន្លងមក។